مرحبااااااااا شباب و صبايا
اشحالكم ؟
مثل ما تعرفون رحت خصب يوم الخميس الموافق 27122007 و رجعت السبت 29122007
والصراحه كانت الرحله روعه بمعنى الكلمة… و متروسه مغامرات خخخخ…واستمتعت وايد وايد…
واحلى شي كانت الرحله البحريه و المطر اللي نزل علينا في شارع الامارات قبل لا ندخل راس الخيمة بنص ساعه…
فقلت لازم احط لكم تقرير و صور الرحله..عشان تتشجعون و تروحون….
وان شاء الله تستمتعون بالصور ..ولو انها مب واضحه وايد لاني نزلتها في البوربوينت عقب ما صغرتها عشان احط الاسم عليها…بس يلا مال مش حالك…المهم انها تفي بالغرض
…
هني في شارع الامارات…تجمعت الغيوم….واخوي يقول لي اسرعي هذا اعصار خخخخ سوالنا فلم تويستر…ونزل علينا المطر بعد دقايق من تصوير الصوره…
…
اليبل ملون ( ظلال + اشعة الشمس من بين الغيوم ) قبل شعم
..
في شعم .. شفت العلم العود … واستغليت الفرصه انه اهلي بعدهم ما وصلوا وانا سابقتنهم بربع ساعه..فنزلت مع الشبيبة اللي وياي هههه (( اخواني الصغار 2 و ولد اختي و ولد اخوي )) …وتسلقنا اليبل (( حلوه تسلقنا))..زين ما طحت ..كل ها في سبيل اني اصور لكم العلم..
طبعا ما قدرت اصعد اكثر من النص و مع شوية زوم هاي النتيجه 
..
بين نقطة راس الخيمة و عمان…
….
ونحن نأمن السيارات…تجمعوا علينا التيوس والعنز…خخخخخ…اليهال قاموا يأكلونهم بسكوت…وعقب ما خلصوا طاحوا في الكلينكس…خخخخ
وما اعرف شو سالفة هالتيس من وقفت و هو واقف يتمنظر و مبتسم بعد خخخخ..
…
في الدرب .. ربع ساعه من النقطه الى قرية خصب…الصور مب واضحه وايد كنت اصور و انا اسوق..بس عالطبيعه وااايد اروع والجو رهيب..الساعه كانت 2 الظهر لكن الجو كأنه المغرب
..
رحنا البحر لعبنا و شوينا وسوينا كرك…
وامواج البحر كانت غريبه..نشوف لون فسفوري اخضر بين الزبد..واشياء فسفوريه تلمع في البحر من بعيد..اختي قالت اكيد دول (( قناديل البحر ))..لكن بعد التحري و التقصي و التمعن الشديد اكتشفنا مصدر اللون الفسفوري هي اسماك صغيييره….اشكالها روعه و هي تتقافز بلونها الفسفوري..صورتهم لكن ما بينوا للاسف من كثر ظلمة المكان
…
القمر كان منظره رهييب…فوق راس الجبل و نوره ساطع عالبحر بطريقه عجيبه….سبحان الله
شوفوا بداية تكون الضوء على الماي بعد ما بدت الغيوم تبتعد عن القمر…
…..
مشكورة علي الصور؟
رووووووووووعه
بس شدني شي….( هب اصبوع …….. مسامير مشاء الله)
ههههههههههه
شكلها رحلة حلوة
والحمد لله عالسلامة
والحمدلله عسلامه
ما شاء الله خصب وايد حلووة
لازم انروح انزورها ونشوف الطبيعة
مشكورة فولك دبي على التقرير الرائع والصور الاكثر
من روعة
رجعنا الفندق التعيس .. الي انصدمنا منه…كانت الغرف وايد صغيره يمكن 5 في 5..والغرف العائلية عباره عن غرفتين مفتوحات على بعض و حمام واحد تكرمون….ابد مب نظيف…اختي انصدمت من طيطار ميت عند الكبت في غرفتها…ونحن انصدمنا بديدان تمشي تحت المغسلة….اضطرينا نبات ليلة و نشينا الصبح انا و ريل اختي و اخوي….تريقنا وعقب بدينا رحلة البحث عن مكان ثاني..ولقينا عماني عنده فلل للايجار…اجرنا منه فيلا حلوه و نظيفه فيها 7 غرف…
ريوقنا…ولازم بعده كرك…
وهاي الفيلا اللي حصلناها
..
حطينا اغراضنا و طلعنا نستكشف المنطقه شوي و رحنا المغرب صوب السوق
الجو كان حلو بارد عالخفيف و السما صافية
في السوق حصلت ملاس ام ام خماس خخخخ
…
اليوم الثالث (( يوم السبت ))…كان احلى يوم ..طلعنا الرحله البحريه…وشفنا دلافين وسلاحف واسماك ملونه…وقناديل بحر صغييره تجنن..ورحنا جزيرة يسمونها التلغراف…عباره عن جزيرة جبلية صغيره كانوا البرتغالين مادري البريطانيين بانين فوفها مبنى لارسال التلغراف…طبعا ما بقى منها شي الا جدران متهدمة…
طلعنا في محمل (( لنج خخخ )) … كانت الرحله من 11 الصبح لين 3 العصر.. في الرده طاف علينا يخت مسرع حسبي الله على ابليسه…وتلاطمت الامواج و المحمل تم يتهادى فينا يمين و يسار..بغينا ننجلب بس الحمدلله عدت على خير…
الدلافين
الجزيرة
الاسماك عند الجزيره
…
في طريق العودة
..
وتمت الرحله بسلام و الحمدلله
وناويين ان شاء الله نكررها