مرحبااااااااا شباب و صبايا
اشحالكم ؟
مثل ما تعرفون رحت خصب يوم الخميس الموافق 27122007 و رجعت السبت 29122007
والصراحه كانت الرحله روعه بمعنى الكلمة… و متروسه مغامرات خخخخ…واستمتعت وايد وايد…
واحلى شي كانت الرحله البحريه و المطر اللي نزل علينا في شارع الامارات قبل لا ندخل راس الخيمة بنص ساعه…
فقلت لازم احط لكم تقرير و صور الرحله..عشان تتشجعون و تروحون….
وان شاء الله تستمتعون بالصور ..ولو انها مب واضحه وايد لاني نزلتها في البوربوينت عقب ما صغرتها عشان احط الاسم عليها…بس يلا مال مش حالك…المهم انها تفي بالغرض
…
هني في شارع الامارات…تجمعت الغيوم….واخوي يقول لي اسرعي هذا اعصار خخخخ سوالنا فلم تويستر…ونزل علينا المطر بعد دقايق من تصوير الصوره…
…
اليبل ملون ( ظلال + اشعة الشمس من بين الغيوم ) قبل شعم
..
في شعم .. شفت العلم العود … واستغليت الفرصه انه اهلي بعدهم ما وصلوا وانا سابقتنهم بربع ساعه..فنزلت مع الشبيبة اللي وياي هههه (( اخواني الصغار 2 و ولد اختي و ولد اخوي )) …وتسلقنا اليبل (( حلوه تسلقنا))..زين ما طحت ..كل ها في سبيل اني اصور لكم العلم..
طبعا ما قدرت اصعد اكثر من النص و مع شوية زوم هاي النتيجه 
..
بين نقطة راس الخيمة و عمان…
….
ونحن نأمن السيارات…تجمعوا علينا التيوس والعنز…خخخخخ…اليهال قاموا يأكلونهم بسكوت…وعقب ما خلصوا طاحوا في الكلينكس…خخخخ
وما اعرف شو سالفة هالتيس من وقفت و هو واقف يتمنظر و مبتسم بعد خخخخ..
…
في الدرب .. ربع ساعه من النقطه الى قرية خصب…الصور مب واضحه وايد كنت اصور و انا اسوق..بس عالطبيعه وااايد اروع والجو رهيب..الساعه كانت 2 الظهر لكن الجو كأنه المغرب
..
رحنا البحر لعبنا و شوينا وسوينا كرك…
وامواج البحر كانت غريبه..نشوف لون فسفوري اخضر بين الزبد..واشياء فسفوريه تلمع في البحر من بعيد..اختي قالت اكيد دول (( قناديل البحر ))..لكن بعد التحري و التقصي و التمعن الشديد اكتشفنا مصدر اللون الفسفوري هي اسماك صغيييره….اشكالها روعه و هي تتقافز بلونها الفسفوري..صورتهم لكن ما بينوا للاسف من كثر ظلمة المكان
…
القمر كان منظره رهييب…فوق راس الجبل و نوره ساطع عالبحر بطريقه عجيبه….سبحان الله
شوفوا بداية تكون الضوء على الماي بعد ما بدت الغيوم تبتعد عن القمر…
…..
الحين عرفتو المكان يبالكم ترتيب حلو حق الرحله اليايه
احلاء شي
هذا ياي يسالكم اذا تبوان مرشد سياحي هو بعد المغرب يستو انسان والصبح تيس
ماشاء الله عليج ما قصرتي …انا ناويه قريب اسير خصب من كثر ما يمدحونها وخاصه عبدالله بن خصيف ..حسيت براحه ما اعرف ليش ان شاء الله بسير بس اقول خبرينا عن عنوان العماني الي ايأجر فلته نظيفه وحلوه ماشاء الله
تسلمون يا رب
طبعا شي صور وايده فوق 100 صوره
واخترت لكم احلاهن …
…
Bmw
خخخخخخخ اي مسامير قول قواطي بيبسي خخخخ
…
القناص
حياك….خخخخخخ
…
للمعلوميه
الفيلا ايجارها 1500 حق ليلة وحده…اما الفندق التعيس 1900 (( كنا حاجزين غرفتين عائلية و غرفتين دبل ))
والمحمل 1000 درهم….وشي محمل طابقين 2000 درهم…وشي يخوت صغيره..
اغراضهم في السوق والمطاعم نفس اسعارنا
ويتعاملون بالدرهم عادي..والريال العماني يساوي عندهم 10 دراهم
مطلوب عند الحدود
– الجواز الاصلي + الليسن و الملكية (( لمواطني دول الخليج ))
– الجواز + الاقامة + الليسن و الملكية (( للوافدين ))
وتأمين السياره 100 درهم حق 3 شهور في عمان لتأمين عند نقطة حدود عمان …
لازم الجواز يكون ساري المفعول (( بشكارة اختي جوازها منتهي من اسبوع ما طاعوا يدخلونها..وديناها بيت ناس من المعارف في راك))
والمخفي لازم ما يزيد عن 30%..و50% يطوفون بالعافيه بس ما يكون شامل
كيساهي فولك ..
الرحلة بوود آجاهي ..
تقرير كامل مشالله عليج كفيتي وفيتي .. يوم بحس أني مضايق بدخل موضوعج وبتطمش بحس أني كاشت وياكم ..
سلملم ..
الحمد لله على السلامه
ورحلة ممتعه ما شاء الله عليكم
شكرا لأمتاعك لنا بالصور الجميله