السلام عليكم ورحمة الله وبركاته
عندي أكورد موديل 2001 ( خليجي )
6 سلندر
ماشيه : 390.000 ألف بس
فل اوبشن طبعا ( جلد – فتحة – رنقات )
اللون : بيج
أنا المالك الأول من الوكالة
فيها صبغ من الامام بسبب تطاير لون المقدمة من الخط
المكيف يحتاج كمبريسر فقط
فيه تأخير بالقير حين التبديل من قير واحد إلى 2 ( توماتيك طبعا )
أي مشاكل أو قطع كانت تخترب فالموتر كنت اشتريها من الوكالة وبأسعارها النار وذلك للمحافظة على جودتها
منزل القير لاحتراق صحن الكلج سابقا وتم تغيير جميع القطع من الوكالة وجديدة
الزبدة : الموتر موديل 2001 لازم تكون فيه بعض الامور
أفكر أني ابيعه ، بس كم بييب
ابغي اعرف السعر التقريبي للموتر ،، ولو فيه أحد من أخوانا أصحاب المعارض يفتيني فيها وكم تسوى فالمعارض
لأنه افكر اسير ابيعها مع اول مشترى وارد البيت
سبب البيع : عندي موتر ثاني اشتريته في شهر 3 ،، والاكورد ما استخدمها
فإذا سعر البيع يسوى ببيعها ،، وإذا ما يسوى بخليها واقفة وحق السيرات والييات
وهل لو دخلتها مزاد حراج السيارات فالشارقة مثلا ،، بتكون فكرة موفقة أم البيع مباشرة لأحد الاشخاص أو المعارض ؟؟؟
في انتظار ردودكم الكريمة
جزاكم الله خيرا
لا إله إلا انت سبحانك .. إني كنت من الظالمين
موفق بإذن الله … لك مني أجمل تحية .