السلام عليكم ورحمة الله وبركاته
كل عام وانت بخير
وعساكم عواده
وعساكم عواده
تكفون يا أخواني واخواتي ………
طلبـــــــــــــــــــــــتكم
لاتردووووني
عرض علي مغسله ملابس للبيع ،، صاحب المغسله ببيعها لي ، وقالي انه العامل اللي يشتغل فيها “كلاهما من نفس الجنسيه ” بيعطيك 5000 درهم شهريا صافي..
يعني بسوي عقد بيني وبينه …..
المشكله وين: اخاف تكون السالفه مرتبه بينهم ، عسب يغروني بالمبلغ ” 5000″ شهريا صافي الربح ، وعقب يكون كله جذب في جذب …
فهل هناك عقود تضمن مثل هالحالات ؟
بمعنى آخر:
هل العقد من الباطن جائز ومعترف به لكي يضمن حقي ؟
مب عقب شهر او شهرين يقولي مااروم ادفع الباقي وابغي اكنسل العقد اللي بيننا……….
وإذا فما هو الحل؟
تكفووووووووووون افيدوني ماعندي وقت كلها 3 او 4 ايام
تبقى نصيحتى خذ المحل وجيب استف جديد بدل القديم
صارت فى واحد من الربع نفس الساله
بس كان فى حلاق اشترى المحل بى 50000 الف درهم وعلى اساس انه صاحب المحل بيدفعله فى الشهر 4800 درهم شهرين بس وبعدها الى يشتقلون فى المحل يتاخرون فى الدفع على شان صاحب المحل يتنازللهم وبعدها اتنازل وتم شغال المحل
تبقى نصيحتى خذ المحل وجيب استف جديد بدل القديم
اخوي
اول شي شوف كم الايجار وكم فاتورة الماء و الكهرباء وكم رواتب العمال ووالمصاريف اللي تستخدم في الغسيل
يعني مثلا
نقول الايجار ب 50 الف يعني شهريا 4166 درهم
وفاتورة الكهرباء شهريا تطلع 2000 درهم
ورواتب العمال تطلع 2400 درهم
والمصاريف اليوميه تاخذ في الشهر 3000 درهم
نشوف المجموع بيطلع 11566 درهم في الشهر
يعني علي اليوم 385 درهم يعني فوق هذا هو اللي بيعتبر فائده لك
احسبها نفس الحسبه علي نفس المصاريف والاسعار الفعليه وشوف كم بيطلع يومي الدخل
بعد ماتحسب اسأله كم دخله امس وكم امس وشوف واذا حبيت تتأكد اكثر اجلس عنده يوم وشوف بنفسك كم يدخل
والله ويفقك
اخوي بيعطك 5000 في كم ؟؟؟
دقق الحسابات الأوليه وتابع معهم بالحسابات
وان ما اتفقت وياهم خبرني هاهاه يمكن انا اشيك عليهم
مشكوور اخوي مسحور دبي على مشاركتك
بس الشيكات يوم بيكتبها “من وجة نظري” تدل على انه واثق من موضوع الربح في المغسله …
وانا بس هدفي من الشيكات ضمان فقط لا يغير وتأكد مدى مصداقية الموضوع ……
تحياتي لك