السلام عليكم
شباب بسألكم عن تلوين السياره فيه عدة أنواع شي عازل أسود وزيرو زيرو وشي سلفر وفيه أسود عااادي قوم بوعبود والاسعار العادي يمكن 200 درهم والعازل من 700 الى 2700
الحين قولولي شو أركب صدقهم هذولاء الي يقولون عازل ولا يضحكون عليها وياخذون فليساتنا نركب قوم بوعبود ولا نركب لمسات وحركات 4 أم مدري ضب
الرجاء اعطاء وجهة نظركم

45 thoughts on “تلوين زجاج السيارة ؟؟”

  1. مرحبا شباب..

    انا مركب مخفي ب 250 من سنه
    قالي اسمه أمريكي.الصراحه نوعيه جيده من ناحية التبديل ما يلصق .اما عن الحراره فيخففف شوي..

    مركبنه في صناعية العين..

    والصراحه مب مقتنع بسالفة مخفي لمسات و ثري ام ومادري شو.. الحسنه الوحيده التركيب حلو

    والناس أذواق

    تحياتي الكم
    Happy Weekend

  2. ابويه سر عند عقولتك بو عبود ة ركب السنغفوري ب 180 او 150 او دور العازل اللي اييك ازرق من داخل ع نفس السعر تقريبا

    و الحين الهنود قاموا اييبون عازل 0 بالميه ركبه جدام قطعه كامله تراه يفيد!

  3. الله يرحم والديك يا ولد ناس نحن نسأل ولم نركب وأسمحلي أن الناس ليس كلهم سوى فمنهم من يخاف الله . الله يجعلنا جميعا منهم وأنا يوم سألت الشباب لزيادة الخبره وصراحه حرام أدفع مبلغ 2700 على مخفي والناس مايركبون هذا المخفي للفشخره والتمدح يركبونه للحراره وللستر داخل حرم السياره أثناء ركوب العوائل فيها وأنا من طبيعتي ماحب السيارة الملونه بس السياره الي معي مزوده بكامرات يعني ممكن تشوف خلف وجنب السيارة أثناء الرجوع والباركنيج
    أشكر وحهة نظرك والسموحه

  4. يا جماعة الخير البطره مب زينه، الحين المخفي صار بـ 5000 درهم. تدرون الـ 5000 درهم تعيش عوايل (مواطنه) كم شهر؟

    هذا الكلام اللي كنت بقوله !! مشكووور يالطيب على هالكلااام

    يالله كيف تدفعووون للمخفي بس 4000 ولا 5000 !!!!!!!! ماتخافووون عقب الله بيحاسبكم عالفلس الواحد !!!

    هاي اللهم سياره توديكم واتيبكم لازم للخقه والبطره … ولااااااااااااا خاصه للي يسون عند لمسات ولا الفرسان و و وو و والخ … يعني حتى لجامة السياره ماااااركه وبحركه يعني جوفوا المخفي اللي مسونه غالي !!!!!

    وبس طايحين المعاش مايكفي ومعاشاتنا تعبااااانه !!!!

    والله انه معاشاتنا قووو بس انتوو تعقون البيزات على اللي يسوى واللي مايسوى

    وسامحوووني يالطيبين وهالله هالله بالبيزات ولا تنسون اتبرعوا ابرك من الفشخره

    وأسف يا راعي الموضوع وسير أحسنلك وركبلك مخفي ب70 درهم

    وموفقين إن شاء الله بالدنيا والآخره

    اخوكم ولد ناس

Comments are closed.