الصراحه اليوم المنتدى غيرررررررررر عن كل يوم لأاني شفت فيه الثوار أو بنسميهم (الثوار الجدد) اللي طلعوا عن صمتهم والمداولات السريه عبر الرسايل الخاصه وقاموا ينشرون غسيلهم على الملأ
البعض منهم كان متهكم على حذف عضويته الغير مبرر على ما يدعون والبعض منهم ممتعض من حذف المواضيع بدون سبب مثل ما يقول واللي من قبل كمن يوم بعد انحذفت عضويته على الهوا مباشرة بسبب أنه طرح موضوع إحتجاج على حذف موضوعه (باركولي) وهذا طبعا مخالف لقوانين المنتدى مثل ما تعرفون واللي يبا يقول شي لازم يقوله بالطرق الدبلوماسيه يعني عن طريق الرسايل الخاصه مب اييلس ايصارخ وحالته حاله يعني الحين انته يوم بتحط موضوع على العام اتحسب الناس بيوقفون في صفك تراك لو مب غلطان ما شرشحوك تشرشيح ولا وحد منهم يطالب بحرية الطرح جيه وين عايش انته في أمريكا …………! حبيبي حرية التعبير موجوده بس بحدود وقوانين واعراف واذا خلوك على كيفك تعبر عن شعورك بتصلخ العالم صلخ ولا حد بيسلم من حرية تعبيرك ….
أنا اتمنى من الثوار الجدد عدم فتح مواضيع تتعلق بحذف عضويتهم واذا كان فيه شي بينهم وبين كبير المستثمرين من المفضل حله بالطرق الهاديه بعيدا عن التعصب والأساليب الملتويه اللي ان ادت لن تؤدي الا الى حيص بيص…..
أتمنى ان لايخرج المندسين تحت اسم الثوار الجدد عن جوهر الموضوع لكي لا يكون مصيره الحذف وان حذف الموضوع اتمنى ان تسلم عضويتي ولكم جزيل الشكر…
والله الموضوع لافتنه ولاهم يحزنون . يعني حتى الجميع لاحظ
مره وحده انهلت المواضيع
الي يستفسر عن وقف عضويته والي يسال عن غلق موضوعه وحد يسال ليش نحذف الموضوع
وسبحان الله كلهم فجأه ومره وحده .. الصراحه ثوار ثارو مره وحده مثل الفوار يوم يفور مره وحده ههههههههه
وبعدين في اقسام مخصصه لهاي الاستفسارات .
لا هم مصرين انهم ينزلونها بالقسم العام .
استثني اخونا الزبيدي فقط لانه راحت عن باله. وطلب نقل الموضوع الى المكان المخصص.
ومثل ماقال اخونا فوق السحاب ..
يالله كل واحد يروح يمشيله ساعه . يخف من الكرش شوي قبل الفطور
انما الاعمال بالنيات .. يمكن الاخت نيتها واللي في خاطرها غير عن الشي المفهوم ..
ولكن احيانا العضو يخونه التعبير ..
كافي اللي انكتب في هالموضوع وفي سالفة الاخ اللي تكنسلت عضويته ..
ويالله مابقى شي عن الفطور سيروا سوولكم رياضة قبل الفطور ترا ماشي احسن منها ..
استهدو ا بالله ليش شادين حيلكم الموضوع فيه ناس مختصه تتعامل وياه
والامور مب فالتوه
وهذي قوانين الكل يعرفها واللي وما يعرف القوانيين تراها مكتوبه ومثبته
ورمضان كريم ومب زين التعصب
وهذا راي انا
فتـــــــــــنه
اسمج فتنه يعني مب شي غريب
لكن لدي سؤال هل انتي من اصاحب الشان لكي تحكمي على الاعضاء بانهم ثوار ؟
من حقوق العضو في حالة حذف موضوعه او نقله او غلق موضوعه كتابة السبب
وهالشي فجميع المنتديات وماعتقد هالمنتدي غير عنهم الا بحالة انهم مب مفتكرين بالاعضاء يعني مايهمهم العضو زعل ولا رضي