تمويل 100% للمشاريع بدون فوائد مع تحمل الربح والخساره..

السلام عليكم ورحمة الله

اخواتي اخواني شحالكم وشخباركم ان شالله طيبين

الموضوع مثل ماهو بالعنوان تمويل للمشاريع وبحد اقصى الى 1 مليون وبدون فوايد مع التحمل للربح والخساره ..

وياليت قراءه التفاصيل بالضبط عشان تعرفون الية التمويل .. خصوصا هاليومين اشوفكم ماتقرون وايد بس ترى القراءه زينه يعني كثروا منها

المهم طبعا مثل مالاحظنا بدينا بعدة خطوات

الخطوه الاولى كانت بحديثنا عن المشاريع التجاريه المتعثره وحاولنا نشوف اليات انجاحها والوقوف بها

الخطوه الثانيه كانت بطرح عده مشاريع مع امثلتها وتجاربها وربحيتها

الخطوه الثالثه كانت بالكتابه عن مواضيع تخص بدء المشاريع ودراساتها والمساعده بالبدء بها

الخطوه الرابعه كانت فتح المجال للمساهمه بالشركات اللي ارباحها قويه مثل سما للاتصالات وارباحها اللي توصل 300% سنويا او الشركه القابضه العقاريه وارباحها اللي تكون ب 8% شهرياولها بعد ارباح سنويه بعد توصل مابين30% -70% سنويا

الخطوه الخامسه تكلمنا عن نماذج من السوق سواء من تجارب السوق او مرئيات السوق و قوانين حمايه المستثمرين تجاريا بما ينص مع مواد القانون من وزارات التجاره

بعد هذا كله الحمدالله صار في تصور واسع للسوق ومساهمات ممتازه وعوائد جيده وافكار حلوه وكانت كلها بتفاعل منقطع النظر بس كان ممتاز نسبيا ولله الحمد

الحين الله يسلمكم نبدا بالخطوه السادسه واللي تكون عباره عن تمويل المشاريع لان في صغار المستثمرين وماعندهم رؤوس الاموال لبدء المشاريع او حتى المساهمه في الشركات اللي اسسناها والسبب بعد عشان اوصل لمشاريع يديده واشارك فيها يمكن ان ماخطرت في بالي ولها عائد ممتاز

الية التمويل طبعا ماراح تكون بتسليم المبلغ نقدا لان اللي بياخذون التمويل اغلب الظن بيكونون جدد على السوق فبتنقصهم الخبره فبتكون الاليه بالطريقه اللي بكتبها

مثلا : شخص يبي تمويل يعرض علينا فكره المشروع واللي يحتاجه لبدء المشروع

دوري يكون عباره عن دفع تكاليف وايجار المكان

دفع رسوم التراخيص وكل مايلزم من هالناحيه

اذا مثلا يبي الات او اجهزه للمشروع ييب اسعارهم ومواصفاتهم وندفع قيمتها

اذا محتاج موظفين وعمال يتم دفع لهم رواتب شهريه

يتم شراء كل مايلزم من اثاث وادوات مكتبيه

يعني بيكون مدير للمشروع من كل الجهات لكن مافي تسليم نقدي وذلك عشان اتابعه اداريا ..

ويتم تسليمه مبلغ رمزي للامور المسانده للمشروع يعني مثلا اجراء اتصالاته او مقابلات او غيره

يجب ان يحمل المشروع صفه شركه عشان يكون العقد بينا بعقد شركه محاصه مثل اللي وضحته في قوانين الامان لتاسيس الشركات ..

يعني يكون المشروع باسمه وتراخيصه باسمه وكل شي بس عشان ضمان الحقوق بعد يكون بينا عقد شركة محاصه يعني في أي وقت لاحظت أي اخلال او سوء اداره اقدر ان اسحب حصتي من المشروع والي بتكون عباره عن راس المال ..

طبعا في حال الربح بيكون تقسيم الارباح بواقع 50 / 50 وفي حال الخساره بيكون تحمل الخساره علينا اثنينا لاني ماراح اوافق على المشروع الا بعد اقتناع كلي ان المشروع ناجح وثاني شي ان بتكون لي اداره على المشروع مثل ماوضحت بآليه التمويل فعشان جي ماراح يتحمل الخساره بروحه مثل مايصير بالتمويل النقدي المباشر ..

والمشروع لازم ينكتب على العام ويحصل ترشيح عشره اعضاء على الاقل وكل عضو يرشح المشروع يكتب سبب ترشيحه للمشروع ورؤيته في المشروع عشان يكون عندنا تصور واضح للمشروع قبل الدخول فيه

اخواني رجاء محد يرسل لي مشروعه على الخاص او الايميل لان كل شي لازم يكون جدام الكل للشفافيه فعشان جي كل مشروع لازم ينكتب في موضوع يديد عشان ان الكل ينتبه له ويكتب بالعنوان طلب تمويل مشروع

ادري ان في البعض مش مشارك في المنتدى بس السموحه في هالموضوع بالذات يفضل مشاركاتكم لان مثل ماقلت للشفافيه

طبعا مااشرط الخبره ولااشرط الدراسه اهم شي المشروع ونوعيته بس يفضل ان تكون معاه دراسه مبدئيه عشان يبين لنا طالب التمويل ان عنده رؤيه عن المشروع اللي يبي يسويه

بعد مايرسى التمويل على عضو من بعد ترشيح الاعضاء له واطلاعي عليه يبدا التمويل له من شهر 7 او8 فلازم ان يجهز اموره كلها قبل هالوقت

التمويل حاليا مطروح لمواطني ومقيمين كل من

البحرين – الامارات – عمان ولازم ان العمر مايقل عن 21 سنه

وذلك ان مشاريعي وشركاتي بتتوسع اولا بهالدول فبيكون عندي اطلاع كلي على المشاريع اللي مولتها واقدر اتابعها اكثر

ملاحظات : اخواني انا مش وسيط تمويل والتمويل بيكون مني انا فرجاء لايطلب مني احد مثلا تمويل لمشروع ب 50 مليون او بمبالغ ضخمه ومهما كانت قوة المشروع لاني باختصار مااملك مبالغ بهالحجم

هاليومين في تاخير مني على الرد على الايملات اوعلى الخاص يوصل ليومين اوثلاثه ايام والسبب في هالشي ان يوميا توصلني عشرات الايملات وانا مااحب اني اكون من النوع اللي يقرا الايميل بسرعه ويرد عليه فعشان جذي اتاخر بالرد عليهم عشان كل رساله ارد عليها باللي يناسبها

سمحوا لي على الاطاله بس حبيت اوضح الموضوع من كل نواحيه لان هذا مشروع ولازم يكون واضح للبعد عن المخاطره

وبالتوفيق ان شالله للجميع

ولاي استفسار بخصوص الموضوع هلا فيكم بأي وقت سواء هني او جوال اوايميل

invgulf@hotmail.com

0097339313393