السلام عليكم
هذة تتمة موضوع الكويتي اللي تم ضرب زوجتة واختة في مركاتو
الجزء الاول
اليوم في البث المباشر اذاعة الشارجة
اتصل الريال الكويتي وقال تم القبض على المعتدين وهم شخصين وللأسف مواطنين
وكان توة طالع من مركزالشرطة
الريال اتكلم بكلام جميل وموزون
وشكر الشرطة وااايد وطاح في السكيرتي مال المركز
ظاهرة غريبة على المجتمع ياريت يتم التعامل معها بصورة حازمة وامام الجميع
عشان يتعض كل من تسول لة نفسة بمثل هذا العمل الدنئ الخالي من الاحترام
للقوانين والنظم والعقل
ليش شو السالفة؟ اذا ممكن حد يقولنا السالفة
dيا جماعة الي يخطئ فهو يعبر عن نفسه وعن ذاته وما في داعي الواحد يقول للاسف طلعوا مواطنين او الحمد لله ما كانوا مواطينن او غيره .. واي انسان يسوي شي فهو لنفسه ولا تزر وازرة وزر أخرى .. وبخصوص الاخوة الي يقولون فضحنا .. اقولهم ان فضح نفسه وهذا شي هو متسبب فيه ويتحمل أثمه وما لغيره عذر … وبعدين هاي قضية عادية وصارت مرات ومرات يعني عسب الريال طلع في البث المباشر الناس تعاطفت مع القضية وتفاعلت معاه … رغم انه في تصريحاته يقول ادري ان السالفة بس فتح بلاغ وما بيرجع لي حقي .
ودمتم بود
للحين ماعرفنا السالفة الصحيحة والتفاصيل الدقيقة للحادثة
يستاهلون اشد العقاب والله ويكونون عبرة لغيرهم
ليش هالطفاسة ؟؟؟ الله يهديهم هاليهال…
يبغون يفضحونا جدام خلق الله
كل واحد منهم توه ظاهر من البيضة ويالس يتفلسف ويستعرض
يتحرى الكبر بقلة الادب….
لا حول ولا قوة الا بالله
وان شاء الله بينالون عقابهم …
والله يصلح حالهم ويعقلون …والله يعين اهلهم
مشكور اخوي s3ed
تحياتي
اختكم
سهمي عالي