السلام عليكم ورحمة الله وبركاته
طبعا العنوان واضح انه تهكمي شوي لانه بصراحه زادت هذي الجمل بشكل واضح في القسم,,,ومش غلط ان الواحد يراجع نفسه في السعر ولاكن الغلط ان الواحد يبالغ في السعر ويكون متشدد في السعر بشكل غير لائق مثلا يقول السعر نهائي ومافي داعي حد يراجعني فيه او اللي هب عايبنه السعر يسكت احسن !!!!!! ياخي ليش اسكت انا في منتدى هب في معرضك او مجلسك ومن الواجب في هذا المنتدى ان الواحد يبدي رايه وخاصه من اخوانا اللي لهم خبره وهم كثر ما شاء الله في المنتدى عشان يوصلون المعلومه الصح..
وحد يتعذر بالتبخيس لانه اللي عذره التبخيس ما يرد ويكتب (تم تعديل السعر) وطبعا انقص عن سعر التبخيس اللي هو السعر الصحيح عند العرض الاول,,,, فانا اكتشفت بعض النقاط بخصوص هذ الموضوع:
اولا محد يكون متشدد في الكلام إلا اللي يعرف ان هذا هب سعر موتره وحاب يقص على عمره ومايريد حد يناقشه
ثانيا المتشدد في كلام البيع يحط في باله ان اذا الناس شافو هذي الثقة فيه يمكن يطلع واحد ساذج ويشتريه.
وثالثا ياااااااخي كيف يرضى الواحد يكون متشدد في الكلام عند العرض الاول ويرد يقول (تم تعديل السعر)!!!
رابعا اللي يقول يااخي كل واحد حر في حلاله انا اقول عيل كل واحد حر في ابداء رايه
الزبده ::: محد يسوي هذي الحركااااات إلا اللي مقتنع انه على غلط
والمثل يقول احم احم : من دق الباب ياه الجواب
ولا حد يزعل يا اخواني وتراني ما احتكيت ويا حد بس هذا اللي لاحظته
كلامك جمييل وصحيح 100%
يعرض سعر غاالي اغلى عن السوق ويكتب غير قابل للتفاوض وللجادين فقط ويوم يشوف محد عبّره وقبل بعرضه قام نزل موضوع ثاني يقولك تم تعديل السعر
يوم انك تدري ان سعرك غالي ليش تكتب غير قابل للتفاوض وعقب تيي تنزل السعر وتكتب قابل للتفاوض؟!
يعني نزلت سعرك وقبلت بالتفاوض بعد
يالييت اللي يعرض سيارته يعرضها بسعر معقوول او يقيمهاا اول وعقب يبيعهاا
كلامك صح يا بابيرو
المنتدى اغلي من المعارض بعض الاحيان لان وايد من هل المعارض مسجلين هنيه ولا باعها اغلى ولا باعها بسعر المعرض الي هو اصلا اغلى من سعر السوق. اخوي vip انا معاك والكلام صح في اعتقادي لكن اعتقد كل حد بيتم متمسك برايه وفي النهايه بتم الدنيا غاليه عالفاضي، انته ترفع علي سعر السياره وانا ارفع عليك سعر السكن ومحمد يرفع سعر البترول وسعيد يرفع سعر العيش وخالد يرفع سعر السكر والزيت وعبدالله يرفع سعر ال ………. والكل مظهر حرته في الثاني ويبا يعوض خسارته من الاول
الله يعوض علينا بس ياخويه.
دامك مستانس الحمد لله
ومشكور على مرورك عزيزي