بسم الله الرحمن الرحيم
ياناس ليش مايكون لنا صوت وتصير لنا كلمه ونرفع ارائنا للوزيره الشيخه لبنه القاسمي لعلى وعسى تلبي طلبنا ياناس والله كل المسأله كتابه فقط ولا راح تاخذ وقت من وقتكم بالعكس هذا الشي في صالحنا المستثمرين الصغار اتمنى من الله ومنكم اخواني الاعزاء ان ترفعو ارائكم وكل واحد يكتب رايه او على الاقل يقول انا موااافق وانا عندي احساس انكم ماراح تقصرون وكل واحد بيكتب كل الي فق قلبه واتمنى من الاداره المنتدى انهم يعطون اخوانهم صغار المستثمرين فرصه يرفعون باصواتهم واتمنى تثبيت الموضوع وشكرا اخوووكم ابوهزاع
46 thoughts on “تم تعديل العنوان : يا وزارة الاقتصاد الرجاء تخفيض الحد الادني للاكتتاب”
Comments are closed.
هذا الكلام الصحيح
المفروض يكون 5000 درهم
بدل ما يرحون صغار المستثمرين يسحبون وسلفيات واللي بيع سيارته عشان اسهم
فالافضل وللجميع كل واحد يشتري على قدر فلوسه
وهذا الصح
السلام عليكم ورحمة الله وبركاته
جزاكم الله خير على هذه الطرح وهو بطلب لوزارة الاقتصاد لكي يقومو بتخفيض الحد الادنى للاكتتاب
لاكن عندي سؤال ليش ما تتطالبون بتحديد الحد الادنى 10000 سهم لكل مساهم لكي تعم الفايدة للمواطنين المسؤولين في كافة الامارات تعبنا من شعاراتهم الرنانة في مصلحة المواطن مصلحة المواطن مصلحة المواطن مصلحة المواطن مصلحة المواطن مصلحة المواطن مصلحة المواطن وكله كلام حبر على ورق والدلايل تدل عكس هذه اول شي اختيار فئة معينة تتكرر اسمائهم في كل اكتتاب ونود من احد المسئولين في وزراة الاقتصاد لو حتى برد مفنع كيف يتم اختيار المؤسسين ولا المواطنين في هذه البلد عدة اصناف
ارجو المطالبة بتخصيص اسهم لا تقل عن كمية محترمة وليس في كل اكتتاب اقل من الفين سهم
بنحسبها نحنا وانتو اذا كان اكتتاب ابار قد تقدم له من المواطنين والشركات 88000 الف مكتتب وهذه اول مره يوصل عدد المكتتبين في الدولة لهذه الدرجة لان حدود المكتتبين في الاكتتابات السابقة من 35000 الى 44000
88000×10000 سهم لكل طلب مكتتب =880000000
ثمانمائة وثمانون مليون درهم
المطلوب من الاكتتاب لصغار المستثمرين وكبارهم 375. 1 مليار درهم للاكتتاب العام هني يتم تحويل المبلغ الباقي لكبار المستثمرين لكي تعم الفايدة للجميع ولنشر المسأوة بين الناس
ارجو اني وقت وضحت وجهة نظري لكي تعم الفايدة للجميع لما فيه مصلحة المواطنين ويجب ان نوضح الامور لكي توصل للجهات العليا واذا انا سكت وانته والجميع سكتو كيف تبون الامور تصلح ارجو سعة الصدر ومناقشة الامر من مصلحة الجميع وليس مصلحة فئة معينة ولا الذي يصير اللحينة مبداء نزيد الغني غنى ونزيد الفقير فقر
أرباب
انا مع الأخوان …
مع اني ادري و لا حد بسوي لنا سالفه … عادي تشوف بعض المسؤلين يالسين ينكتون علينا و هم يقرون هل الكلام
بس بعد… المفروض نتكلم و نطالب .. انا اقترح انا نسوي حمله منظمه … يكون لكل واحد منا دور ,,يعني
حد من الأخوان و الا الخوات الملسونين (سوالف) يتصل للإذاعه و يتكلم في الموضوع و يقول انه يتكلم نيابه عن الناس الي في المنتدى. حد يكتب للجرايد و يخاطبهم …حد ما عنده شغله الا يأذي الوزاره ويتصل فيهم …و حد يخاطب المجلس الأستشاري … وحد يحاول يتصل بتلفزيون دبي (اخبار الأمارات ) …الخ ..
انا ادري لين ما نسوي كل هذا .. الأكتتاب بينتهي و الطيور طارت بأرزاقها
بس اذا نبغا نتحرك المفروض نتحرك بخطه و بشكل جماعي ومدروس ..يعني نسوي لجنه تتابع هالشغله….و الا كلام بس في المنتدى ,, لا راح يأخر و لا يقدم.
والسموحه
:t22: أضم صوتي المتواضع معكم وأن شاء الله يسمعونا
لو على الاقل ندفع 5000 درهم بدال ال 25000 درهم
والله بهالطريقه يكرهون صغار المستثمرين فالاستثمار فالاكتتاب !!
وين الشيخه لبنى القاسمي اعتقد هالامور ما يبغيلها دراسه عشان يتأخرون في اصدار امور تهم الوطن والمواطن
والله العظيم الفساد يالس يعم هالمؤسسات بس ان شاء الله اصحاب القلوب الرحيمه بتوقفهم عند حدهم
كفاااااااااااااااااااااايه سرقــــــة :^6:
اكثر دوله متطوره فالتكنلوجيى الامارات لاكن منشوف هالتكنلوجيى تستثمر الى لناس وناس
الله يرحم والديكم بسكم نصب
(( من غشنى فليس منى ))