السلام عليكم والرحمة..

يوم تحدر المول…تشوف العجب والعجائب..

واللي يثير أنتباهك يوم يخطف نظرك على عايلة مكونه من أم منقفبة أو متحجبة وشديدة الإحترام..

وأب ذو هيبة ومكانه وجدي..ومحترم..

لكن..

عندما يقع نظرك على البنت أو الولد…

تجدها بمنتهى اللبس الفاحش..والشاب لبسه وشكله أفحش وأفحش..

غريبة….!!!!!!!!

يعني ما عندنا كنترول على عيالنا ..نعلمهم كلمة أسمها الإحتشام..

بالرغم أننا نشد على الدراسة …ونخسر ماديا ونفسيا عشانها..

والذي أستنكره…ان بعض أولياء الأمور…ناس تربوية…

تناقض × تناقض

لكن للأسف نتناسى القيم والمبادئ ..والأهم…عاداتاتنا وتقاليدنا الإسلامية العريقة..

أنا تعمدت أنزل موضوعي…عل وعسى أن تصل كلمتنا وصداها لأولياء الأمور الغافلين…

وكلمة أخيرة …ما بعقب عليها..

كلكم راع…وكلكم مسؤول عن رعيته..

أختكم،،

9 thoughts on “تناقض × تناقض”

  2. هيييييييييييييييييييييييييه والله !!

    صح لسانج على هالكلام ..

    والمشكله انه الأبوو والأم ساعات يراوووون عيالهم ويأشروون مستغربين من تصرفات الي حواليهم !!

    كأنهم هم عاد المثاليين الي مافوقهم فوووق..

    يعايبون على خلق الله ومخلين عيالهم سبيل.. !!!!!!!!

    شكرا يا حلوه على الموضوع !! ……

  3. يارالله جواهروه وموزوه متحجبات من يوم عمرهن 7 أو 8 سنوات .هاذيلل بناتى طبعا الله يخليهن .

  4. بالفعل كلامج سليم اختي

    قمة الغرابه .. ان الأم والأب يكونون ملتزمين وناس عارفين الله والعيال لاهين في عالم ثاني

    والأدهى والأمر ان يكون احد الأوبين تربوي يعلم عيال الناس القيم والمبادىء وناسي عياله

    تسلمين على الموضوع والله يعطيج العافيه

  5. كلامج صح X صح
    اتمنى الكل يتفكر بمعنى كلام الرسول (صلى الله عليه وسلم) “كلكم راع وكلكم مسؤول عن رعيته”صدق رسولنا الكريم

    شكرا اختي الكريمه على غيرتك على الاسلام اولا وعن العادات والتقاليد ثانيا وعلى شبابنا وبناتنا ثالثا

Comments are closed.