السلام عليكم …

اخواني الأعزاء … من كم يوم مريت على كراج مختص في الصبغ و السمكره و معروف على مستوى الدوله في شغله … المهم … صاحب الكراج صديق عزيز … قالي تعال براويك موتر .. المهم مشيت وراه … وداني عند رنج موديل 2009 HST … قالي شوف الموتر … الموتر كان واقف و منزله أرقامه … من ورا مافيه شي أبدا .. قلت في خاطري ها ليش يايبنه الكراج … لاكن من مريت صوب الأبواب ماشي صبغ .. الصبغ الي على البيبان كله طاير .. لدرجه انه الألمنيوم الي في الباب يبان و يلمع من نظافته … ولا تقول فيه عفصه ولا في ضربه ولا شي … قالي صاحب الكراج ها راعيه كان مركب جلاد على موتره .. و يوم شله شل الصبغ وياه ….و الحين بينصبغ الموتر كاااااااامل …. بعد ما يحرق الصبغه الجديمه كلها لأنه الموتر ما تم لون فيه صاحي غير الدبه ..اما الجوانب والبونيت و السقف مستوي فيه بقع ..بقع ..

فالي يبا يركب الجلاد … لا يسترخص السعر و يركب بما يسمى _ قوم بو عبود _ ….

يعني أدفع و أكشخ … ولا استريح مكانك

8 thoughts on “تنبيه : احذروا الجلاد المات و غيره …”

  2. نعم كلامك صحيح و انا شايف كذا موتر صبغته طايره و السبب الجلاد الرخيص ..

    لازم الواحد اينق اشوي و لا يسترخص هالسوالف …

  3. انا لو بركب .. بركب شفاف .. من عند مكان معروف و مع الضمان .. لمعه + حماية للبدي + حماية للصبغة

  5. تسلم على التنبيه يا اخووونا ومشرفنا البنتلي 999

    فعلاً وايدين تراهم يمدحوون المات والجلاد واكثرهم يركبووون قوم بو بنقال وفي الاخير هو الخسران

    وانا من رأيي بلا جلاد بلا خرابيط هههه

    صبغة الوكالة احسن

    وابصراحه أحس انها موضة الجلاد خلاص صارت جديمة موضة وانتهت

Comments are closed.