السلام عليكم …

اخواني الأعزاء … من كم يوم مريت على كراج مختص في الصبغ و السمكره و معروف على مستوى الدوله في شغله … المهم … صاحب الكراج صديق عزيز … قالي تعال براويك موتر .. المهم مشيت وراه … وداني عند رنج موديل 2009 HST … قالي شوف الموتر … الموتر كان واقف و منزله أرقامه … من ورا مافيه شي أبدا .. قلت في خاطري ها ليش يايبنه الكراج … لاكن من مريت صوب الأبواب ماشي صبغ .. الصبغ الي على البيبان كله طاير .. لدرجه انه الألمنيوم الي في الباب يبان و يلمع من نظافته … ولا تقول فيه عفصه ولا في ضربه ولا شي … قالي صاحب الكراج ها راعيه كان مركب جلاد على موتره .. و يوم شله شل الصبغ وياه ….و الحين بينصبغ الموتر كاااااااامل …. بعد ما يحرق الصبغه الجديمه كلها لأنه الموتر ما تم لون فيه صاحي غير الدبه ..اما الجوانب والبونيت و السقف مستوي فيه بقع ..بقع ..

فالي يبا يركب الجلاد … لا يسترخص السعر و يركب بما يسمى _ قوم بو عبود _ ….

يعني أدفع و أكشخ … ولا استريح مكانك

8 thoughts on “تنبيه : احذروا الجلاد المات و غيره …”

  2. الصراحه موتر وكاله ليش احط عليه جلاد ؟؟ ….. انا اجوف الجلاد حق اللي عنده موتر قديم وبايعنها هههههههه شراتي انا ان شاء الله بركب جلاد على الكبسوله مالي موديل 92 وصبغته روحها موليه يعني عاااااااادي هههههه … وتسلم على التنبيه

  3. صح كلامك اخوي .. و في مثل و من خطب الحسناء لم يغلها المهر ..

    أدفع للموتر عشآآن ما يصير نفس صااحبنا راعي الرنج

    مشكور

Comments are closed.