ارابتك القابضة: 50% نقدا…1/4/2008
اركان: 10% نقدا…2/4/2008
راس الخيمة العقارية: 7.5% نقدا…6/4/2008
راس الخيمة للاسمنت الابيض: 6/4/2008
صناعات اسمنت الفجيرة: 20% نقدا و 10% اسهم منحة 6/4/2008
تمويل: 21.80% نقدا….8/4/2008
بلدكو: 15% نقدا…8/4/2008
شركة الخليج للمشاريع الطبية: 36.36% اسهم منحة 8/4/2008
الخليجية للاستثمارات العامة: 100% اسهم منحة….9/4/2008
الخليج للملاحة: 7% نقدا…9/4/2008
اسمنت الخليج: 20% نقدا و 15% منحة 10/4/2008
129 thoughts on “تواريخ استحقاق الشركات للاسبوعين القادمين”
Comments are closed.
أنتي طلعتي وحده وأنا من الصبح قاعد أخوي وأخوي….هههههههههههههه
لا ما عليج….وان شاءالله أنج تستفيدين المره والمرات اليايه….ولو سألتي من قبل جان جاوبتج بزنس وومن أو أي حد من الأخوان هني….كلهم فيهم الخير والبركه…
وصدقيني هاي وجهة نظري أنا….أنا مستثمر متوسط الأجل….ومب مضارب يومي..يمكن غيري يقوولج بيعي واشتري من تحت …ويعطيج نقاط دعم ومقاومه….أنا بصراحه ما أحب جي…أحب أريح راسي !!!
مب شرط اللي قلته يكون صح أو الكل يتقبله بس وضحتلج وجهة نظري …ولعلمج أنا نفسج بالضبط عندي تقريبا” نفس كميتج واليوم بعد زدت الكمية ….يعني ماخذ على أسعار متفااوته…وما ببيعهم أبد….بخليهم لين الدرهمين ان شاءالله
مشكور يا بوطارش كفيت ووفيت انت شرحتلي بالتفصيل وانا اصلا حاسه اني اتسرعت في البيع بس حبيت افهم عشان المرات اليايه اكون فاهمه شو اللي يصير … المشكله اني ما سألت من قبل … بس الحمدلله
نعم أخي…تستحق الأرباح..ولو أني أنصحك أنك ما تبيع اذا مب محتاج المبلغ ضروري…
رح ينفتح مجال التداول في السهم للأجاانب…وصدقني بيطير السهم فووق…وبتكون ربحت أرباح السهم وبعت سهمك بسعر وااايد حلووووو
أخوي ما أباك تندم على اللي سويته بس بصراحه أحس أنك استعيلت في هاي الخطوه ……..بقولك ليش
لما ييت حسبتها مع نفسي طلعلي الآتي….
عندك 125000 سهم ..وكنت شاري على 1.6 وبعت على 1.7 صح ؟؟؟
طلع ربحك يا طويل العمر مع خصم العمولات للبيع والشرا تقريبا” 11345 درهم (( ربي يباركلك فيهم ))
انزين الحين خلنا نفرض أنك ما بعت هالأسهم وانتظرت وخليتهم في المحفظه مثلا” للأسبوع الياي أو اللي بعده..انزين…نحسبها بورقه وقلم ونشوف….
أول شي عندك 125000 سهم وربحية السهم 7 فلس للسهم
125000 * 0.07 = 8750 درهم بالضبط حلوووو ؟؟؟
يعني أنت بيوصلك شيك بمبلغ 8750 درهم وأسهمك ال 125000 بعدهم عندك في المحفظه!!!
خلنا نفرض أنه السهم نزل ثاني يوم تداول أقل ب 5 فلوس أو 7 فلوس (( وما أتوقع هالشي بصراحه )) راح يوصل السهم 1.63 أو 1.62 !!
وبصراحه ما بتكون مضطر اتبيعه الا اذا محتاج الكاش…خصوصا” أنه فتح مجال التداول للأجانب صار وايد قريب وممن أنه السهم يطير للدرهمين وأتوقع أنه يوصل هالسعر خلال شهر من الحين !!!!
أو بطرقه ثانيه كان ممكن تاخذ أرباحك وتنتظر عليه أسبوع أو أسبوعين وتبيعه على نفس سعرك اللي هو 1.7 أو حتى 1.75 وكنت بتكون ربحان قيمة الأسهم و الأرباح !!!
بالعربي السهم لو نزل شوي…ترا مصيره بيطلع بيطلع …واللي سويته أنك ضيعت على نفسك مبلغ ال ( 8750 درهم ) عالفاضي وكان ممكن يكون في جيبك وأنت تضحك !!!
هاي وجهة نظر و ان شاءالله أنك تتقبلها بصدر رحب….وكل هدفنا هني أن أحنا نتعلم من بعض ومحد يطيح في الخطأ مره ثانيه ….
تحياتي لك
أختي بزنس
سوق دبي 10% منحة ولا نقداً
وتبريد متى التوزيع