السلام عليكم ورحمة الله وبركاته
الى حاب اورد له سياره من امريكا مستعمله بسعرها الاصلي من شركة تصدير سيارات من امريكا ويدفع لي ربح على العمليه 10,000 وكل شي عليه يتفضل ويقرا النقاط الاساسيه.
هي النقاط الاساسيه في التعامل ارجو قراتها بعنايه حتى توصل الفكره كامله:
1-نقول ان قيمة السياره 20,000 دولار طبعا السعر ثابت يعني مافي كم اخر, اخر كم
2-عمولة التاجر الى في امريكا اعلى سعر 500 دولار
3-والشحن الداخلي من اي ولاية للميناء الشحن يفرق حسب البعد ولنفرض انه اغلى سعر 1500 دولار
4-الشحن البحري 1350 دولار + رسوم الجمارك 35 دولار + شحن اوراق الملكيه 80دولار
5-تخليص السياره من جمارك دبي على المشتري طبعا انا بروح معاه عشان اخبره الاجراءات ويكملها هو على راحته لان السياره بتكون باسمه يدفع لشركة الكونتينر مبلغ 1700 درهم مقابل تسليمه وصل استلام السياره + 5% لجمارك دبي واذا سار بروحه للجمارك بنزلون له القيمة اقل.
6-مدة العمليه من تاريخ شراء السياره لحد وصولها كاقصى حد 85 يوم وفي اغلب الاحيان اقل بس هذا اقصى حد عشان ما اطلع بسواد الويه.
7-طبعا انا ماعندي كاش اورد السياره على حسابي وبعدين يندفع لي بس انا بكون الوسيط بين شركة تصدير سيارات كبيره في امريكا وبين الشاري وعلى هى الاساس انا اتحمل المسؤوليه.
8-اول شي انا ما باخذ عمولتي لين ما توصل السياره بعدين دفع قيمة السياره كامله بيكون عن طريق المشتري ومباشره للشركه وبفاتوره رسيمه من الشركه الى في امريكا مختومه ومصدقه حسب الاصوال.
9-فحص السياره عن طريق الشركة البائعه وضمانها قبل اتمام عملية البيع مقابل 180 دولار كحد اعلى.
شوف المثال التالي بالصور عشان تكون عندك فكره:
هي البيانات الى بزودها الشخص للمعاينة قبل الشراء مثل ماهي من الشركة له:
-بياتات عامه عن السياره
هذي نسخه من تقرير الفحص مال الشركه الى 180 دولار في بيانات الشركة كامله وفحص كامل على السياره – السياره معروضه في المنتدى للبيع وموجوده في دبي وموضوعها
يعني لو الحين بغينا نعرف كم بتكلف اللكزس LS460 موديل 2007
49500 سعرها + 500 عمولة الشركة +650 شحن داخلي + 1350 شحن بحري + 120 تخليص اورقها
= 191801 درهم + عمولتي 10,000
يعني في النهايه قيمتها التقريبيه 202,000 درهم امراتي وطبعا في النهاية كل يوم السياره لها سعر وحسب توفرها.
ملاحظه: انا من عندي علي ارفق مع بيانات السياره تقرير من autocheck عن حالة السياره مجانا.
والى يبغي يطلع تقرير عن السياره قبل ما يشتري بيكون VIN رقم شاصي السياره مرفق.
اي واحد مهتم يتصل على الرقم 0507733369
او يرسل رساله خاصه بنوع السياره وموصفاتها وبرد عليه بالتفاصيل ان شاء الله.
أخوي لو سمحت.. الجيب رنجلر موديل 2000 أو 2001.. قير عادي .. أربعه سلندر..
بكم بيطلعلي سعرها مع العموله الله لا يهينك؟؟
يعني ياخوي طنشت طلبي بخصوص المرسيدس الفئه اس من الموديلات اليديده؟؟!!!
وممكن اعرف كم تحتاج السياره عشان توصل من تاريخ الشراء؟؟
هل ياخوي
عزيزي انت تدفع الفلوس لصالح الشركة على اساس الاتفاق الى بيني وبينك وانا اكون مسؤول عن ضمان المبلغ الى دفعته بعقد فيه بند انه اذا مرت 85 يوم ولم توصل السياره ارجع لك المبلغ كامل.
بتقول او يمكن حد غيرك يقول وليش ادفع والسياره مش موجوده الجواب:
انا راس مالي 400,000 درهم يعني انا متاكد ان الى راح يتعامل معاي عن طريق هذا المنتدى يمكن ما يوصل عددهم 2 شخصين ولو فرضنا ان كل واحد بياخذ سياره كم بتكون سعرها 200 الف على سبيل المثال
لسبب ماوصلت هي السياره يعني انا لازم بموجب العقد ارجع فلوس الريال 200 الف من جيبي مش من الشركه.
على هذا الاساس انا لو ابيغي ايب سيارات اتفقت مع سين من الناس وعين من الناس انهم يدفعون لي عربون من قيمة السيارات على سبيل المثال كل سياره 20 الف درهم في هي الحاله انا بدفع راس مالي
على السيارتت وبالتالي الناس الباقين الى يبغون سيارات لازم يترياني لين ما اوصل السيارات الى طالبنها عشان تكون عندي سيوله ايب سيارات مره ثاني.
هذا الشي يباله اقل شي انه يكون عندي راس مال 2 مليون وانا ماعندي – يعني الى يبغي يشتري يدفع والى مايبغي شو تبغني اسويله.
والسلام عليكم
__________________
يعطيك العافيه واشكر مشاركتك القيمه
قول الله يهديهم وقوي قلبك الى يبغي الشي يصبر الله كريم.
تحياتي
__________________
بالتوفيق
بس الغالي مافهمت طريقة الدفع كيف؟
يعني ادفع كامل المبلغ حق الشركه قبل لاتوصلني السياره مقابل انك تضمن الفلوس بعقد بينك وبينهم.؟