توضيح عن البورش كايين اليديد موديل 2008

السلام عليكم..

تحيه طيبه اخواني الكرام..

أولاً أشكر كل من يقرا الموضوع و اتمنى انكم تستفيدون منه.

يطولي بعماركم انا كنت يالس ادور مواضيع عن البورش اليديد في المنتدى و ابغي اشوف شو صداه عندكم هني ..

لاني من زمان ما دخلت المنتدى فقلت يالله بالمره بشوف ..

و كل ما احصل موضوع عن البورش كايين اشوف كلام عكس الحقيقه ..

يعني عفواً ليش الواحد يقول كلام غير الكلام الي في خارج المنتدى ؟ و أنا ما احدد ولا أجمع بالعكس كل الي نغرفه من هالمنتدى انه معروف و راقي و مافي احسن عنه ..

المهم .. كل ما اشوف موضوع عن البورش اشوف مكتوب انه ارخص من الوكاله و ارخص من الوكاله و في النهايه يوم اشوف السعر يطلع أغلى من الوكاله على الاقل ب 40% !!

المهم انا بوضحلكم و بالأخص للي بيشتري بورش

أولاً الأسعار الي تبدا فيها البورشات على الاسعار الموجوده حتى شهر 6 في النابوده

كاين 6 سلندر = 175000 – مدة الانتظار 16 شهر
كايين إس = 248000 – مدة الانتظار 7 شهور
كايين توربو = 375000 – مدة الانتظار 5 شهور

— جميع هذه الأنواع موجوده عند علي و أولاده و عندهم ستوك أو مدة انتظار أقصاها شهرين.

و الحين بقولكم شو الي يغلي السياره و نصيحه مني لكم لا تاخذون بورش يديد من معرض أو شخص هذا رأي شخصي .. ليش؟؟ لانك تقدر تفصل الموتر على راحتك و بالي تبغيه و على كيييييييف كيفك.

انا بعطيكم مواصفات بالسعر المحدد من النابوده لسيارة طالبينها

كايين اس = 248000
لون ابيض = 0
جلد بيج = 0
جير تيب ترونيك = 0
مقود خشب بالازرار = 2440
رنقات 21 انش سبورت وييل = 12380
كراسي مع ميموري = 3550
شاشه = 0
تلفزيون = 3890
بيبان كييلس = 3500
ابشن ليتات اتم شغاله عقب ما تبند السياره = 1770
نافيجيشن = 0
نافيجيشن اوف رود = 590
علامة بورش على الكراسي الاماميه = 630
تلفون في الشاشه = 0
تلفون في السده = 1540
كاميرا خلفيه = 5470 “ادري السعر هذا غالي لكن لأنه الكاميرا تظهر بس يوم ترجع ريوس”
سيرفوترونيك ستيرينج = 870 “ابشن اجباري للرنقات 21 عشان يخفف علاسكان”
صقف زجاج = 6530 – “السقف من الداخل يتبند بالكامل عكس القديم”
فلوور مات = 550
بروتيك = 2500 – ” كتبة بورش اس على المدوسه الي داخل”

المجموع = 294710

يمكن الي ما يعرف عن البورش بيستغرب من السعر لكن هذه هي الاسعار !!
انا ليش قلت انه من رايي الي يبغي يشتري بورش يديد ياخذه من الوكاله و ما ياخذه من معرض؟ لانك انته بنفسك تقدر تنزل من سعر السياره!!

يعني هذه المواصفات مواصفات بطره .. لكن يقدر اييلك واحد و يطلب رنقات 21 و سكان بو دقم و كان الله غفوراً رحيما !! في فرق في الشكل؟؟ مافي ولا شي و في فرق في السعر؟؟ هي نعم

32000 ألف درهم فرق!!
و ياجماعة الخير .. حتى لو الواحد يبغي يشتري من شخص أو من معرض لازم في الأول يتأكد من المواصفات عشان يعرف انه الموتر يسوى ولا ما يسوى !

كل واحد و هو حر و كل حد يعرض بضاعته على كيفه لكن بدون ما يحط كلام في غير موضعه ؟

مثل مره سرت عند راعي معرض و اتخبرته عن بورش كايين توربو اليديد .. قالي 530 الف قلتله ليش؟؟ في الوكاله نفس المواصفات هذه ب 400 والله انه حلفلي انه هذا سعر الوكاله و هو مستفيد شويه!! قمت و عطيته البروشور مال الوكاله و طلعت .. يعني عفانا الله الجذب استوى اببيزه!

عالعموم يا اخوان و يا اخوات اتمنى منكم انكم اتشوفون المواصفات قبل لا تاخذون السياره و مب بس البورش لا كل السيارات الي من نفس الصنف هذا الي تقدر انت بكيفك تفصله..

و السموحه منكم جميعاً و انا ما اقصد حد في هذا الموضوع و ما أجمع أبداً كلنا اخوان و اصدقاء و انا بس حبيت انبه الشباب ..

وداعة الله.