السلام عليكم ورحمة الله وبركاته
توني مستلم ايجار الفيلا 214 الف ابي احطهن في مكان و يدخلي ربح شهري (بسيط) انا مش طماع انا ابي تجارة تدخل لي 3000 الى 4500 كربح شهري
مابي محافظ او شقق او اراضي الخ
ابي شي لا صدعة راس ولا تفكير .
في ميزان حسناتكم.
29 thoughts on “توني مستلم 214 ألف .. نصائحكم”
Comments are closed.
انا مع الأخ (( المستشار بوعلي))
فكره جميله وما فيها عوار الراس .
بس لازم تنتبه للناحيه القانونيه
يعني دورك واحد فاهم او قانوني حتى محد يغشك
بالتوفيييييييييييييييييييييييييييييييييييييييييييي يييييييييييق
وللأمام.
الفكرة عجبتني لكن وين الشركات الي تأجر ؟؟
خايف اخذ و ما يأجرون من عندي
الأخ سونك
المبلغ اللي عندك ممكن تأسس فيه مشروع خدمات (كافتيريا مثلا)
واتأجر المشروع على واحد من العمال على الرخصة ، بحيث تبقى إنت المالك
والعقد بينك وبينه على الإدارة والتشغيل وتحمل كافة المصاريف
ويعطيك دخل شهري 5000 درهم
بمعنى اشوية حركة وصدعة راس في البداية وعقبها متابعة من فترة إلى فترة
والتوفيق من رب العالمين
عين العقل
الغالي انته حصلك شركة تأجير باصات او بيك اب شرا ما قال الصامت
وعقد بينك وبينهم , وهم عليهم كل شي من تشييك و بترول وغيرة
انت تستلم فلوسك آخر كل شهر
والله يوفجك
خذ لك 3 سيارات بيك اب دبل كابين
و اجرهم
كل وحده بتيب لك من 6 الى 7 الاف في الشهر
7000 * 3 = 21000 درهم حلوين في الشهر