جامعة الغرير

26 thoughts on “جامعة الغرير”

1. الغرير تعرف دكتورين ثلاث استوي وياهم اوكي انته والخير رباعه اسال المجرب خخخخخخخخخ

2. والله انا توكلت على الله وسرت سجلت في جامعه الغرير واليوم ببدا اول يوم دوام والله يوفقني ان شاء الله ويوفق الجميع ان شاء الله

3. اخي الكريم

   اسمع هالرمسة مني انا

   مجرب وعايش الوضع

   انا رحت مشيت على الرمسة وسجلت فجامعة دبي ويا ليتني ما سجلت ….تميت سنه كامله ادرس لفل انجليش وللعلم انا كنت اييب 490 فالتوفل وعقب سنه دراسة ما طاعو يخلوني انزل بسبب 3 درجات ناقصة …

   الجامعه ادراتها متسلطه وللاسف ما يساعدون الطلاب ,,,,,

   وعلى فكره انا كشف استاذ كان يرتشي وناس توصلها الامتحانات وهي فالبيوت لانه يكون عندهم قرايب فالجامعه…

   هذا غير زحمة المواقف اللي صدق بتخبلك

   لازم تي قبل ساعة ونص عسب تلقا موقف

   يمكن جامعة الغرير عندهم تساهل فالغياب لكن هذا ما يعني انها مسخره

   ويعدين عالاقل يساعدونك…يعني احنا اللي يساعدنا جي نقول عنه

   واذا الجماعه عالغش واللعب فهذا في اغلبية الجامعات ولكن بالدسة وانا بنفسي مجرب وشايف

   ياخوي توكل وسير الغرير بس داوم الصبح عسب عقب التخرج يكون عندك خبرة عمل وشهادة تعدل درجتك الوظيفيه واهم شي ترا الخبره

   شي ناس ناس اشترت شهايد من مصر والحين ما سكين مناصب وامورهم طيبه يعني يت عالغرير هالمره

   اسمحلي علاطالة

   والسموحه

   السموحه اخوي بس انا ادرس في هالجامعه وما شفت شي لا من الإداره ولا من الامتحانات

   امتحانات الانجليزي مافي اسهل منها الصراحه مصخره وحرام والواحد يرسب فيها لان اغلب الاسئله والمواضيع الاستاذ شارحنها في الكلاس

   وبالنسبه للباركن هاي مشكله دبي ابكبرها ويوم بننتقل للمبى اليديد تراها بتنحل وهاي كانت مشكله جامعه الغرير وانحلت

   وبالنسبه للتاخير تراها اتصير مره او مرتين مب دايما وتراك يوم تتاخر تستسمح من الاستاذ وايغير الاتندنس

   وبالنسبه لجامعه الغرير ما انكر انك بتتخرج ابسرع لكن هل بتتعلم وبتستفيد مثل ما انت مستفيد في هالجامعه

   هل اعترافها عالمي مثل ما جامعه دبي بتوصل له

   كفايه ان حكومه دبي داعمتنها وتابعه للغرفه التجاره والصناعه

   للعلم شهاده جامعه دبي صداها اعلى من امريكيه دبي ( اتكلم من ناحيه التوظيف) لان اخر دفعتين شافو الويل لي ما اتخرجو وصعبو الدراسه عكس ما كان متعارف عليه ان الدراسه فيها مصخره

   عن نفسي ما ادافع عن الجامعه لاني ادرس فيها لا بس لاني درت وسالت عن كل الجامعات والكليات قبل لا اسجل وسالت عن الرسوم واذا بغيت اكمل ماستر سواء في البلاد ولا برع

   الدراسه تعب خصوصا اذا تشتغل وبتطلع روحك على كل كورس بس فكر ان الكلاس الي تحظره كورس من الدوام يعني جنك حاظر دوره وبتهون عليك

   واذا بغيت اي مساعده في المواد حاظرين ^_^ نحن في خدمه اخوانا الطموحين

   واسمحلي على الاطاله ^_^

4. بتخبركم… ترى الجامعة الأمريكية في دبي ما يمدحونها ….

   الطالب يقدر يأخذ مواد أون لاين … لا دوام ولا هم يحزنون…. توصله الواجبات… و يلاقي ( المستر ) يحلها حقه وحتى الإمتحان نفسه…. ومن كان جيبه مليان ليش يتعب عمره…..

   أنا أستوت ما أعترف إلا بالجامعات الحكومية… وجامعة الشارقة و الشارقة الأمريكية

5. اخواني اللي يقولون الجامعه حط بيزاتك واستلم شهادتك اقولهم روحوا وشوفوا الوضع شوفوا في بنات وشباب شادين حيلهم مساكين ويدرسون بضمير اتمنى عدم التعميم ع الكل

   وبعدين كل جامعه فيها غش بس هالجامعه تتساعد مع اللي يداومون واصابع ايديكم مو نفس الشــــــي والزين والشين في كل مكاااااااااااااااان

   الحين اذا دكاتره 15 سنة في الابلاد اخر شي شهاداتهم تزوير خليتوهم وفي ناس بعدهم في الوزارة وشهاداتهم مزورة خليتوهم وييتوا على جامعة الغرير سبحان الله

   وشكرا

Comments are closed.