السلام عليكم
حد يفهمني ليش جامعة خليفة مانعة النقاب والغشوة على الطالبات ؟؟ ما فهمت ليش؟؟
في نفس الوقت يسمح للطالبات بلبس الملابس الفاضحة ووضع المكياج ؟؟
يعني لو وحدة شاطرة ومقتنعة بالنقاب وما حد غاصبها وتبي تدرس في جامعة خليفة يقولولها ماشي نقاب ؟؟
والله مرات يوم اسمع قوانين مثل هذي اقول هذي بلادي ولا شو وين حرية الاختيار يعني حرية الاختيار للي تبي تحط مكياج وتلبس جينز وعباية مفتوحة
والله غريبة شو مشكلة الناس مع النقاب او الغشوة ليش جي معقدينها عندنا شو نحن في اوروبا نحن في الامارات ليش ناخذ افكار غربية او نهتم لنظرتهم ونغصب الناس يتبعوها مادري !!
ليش ما يتركوا كل وحدة بحريتها اللي تبي تلبس واللي ما تبي برايها !!! هل النقاب مخزي!!!
اختي في وقت الامتحان ممكن المدرس او المدرسة يطلبوا منها تشيل النقاب عشان يتاكدوا من هويتها وفي اكثر من طريقة للتاكد من هوية الممتحن
المشكلة ان مثل هذي القوانين بدأت تنتشر في كل الجامعات يعني بكرة ما بيكون في مكان تقدر المنقبة تدرس او تشتغل فيه للاسف
ان مب ضد اي فكرة بس ليش ما يعطون الانسانة اللي تختار لبس النقاب حرية الاختيار واللي ما تبي ما تلبس ليش مركزين على النقاب
__________________
يور سول
كانوا في الجامعة يشيكون ان صاحبة البطاقة هي نفسها اللي دشت قاعة الامتحان
الموضوع ممكن ينحل بألف طريقة وطريقة
لكن ان نتعدى على حريات الغير وأجبرهم على انهم يتخلون عن قناعاتهم ! هذا ما يعتبر احترام لحرية الشخص ابدا
__________________
لا يا أخوي النقاب مب مخزي ولا حتى الغشوة
لكن في ناس وخاصة ” الأجانب” يعتقدون مثل ما هم يقولون ان النقاب يمنع التواصل مع الآخرين ويخلي الناس تنفر من المنقبة لانهم ما يشوفون تعابير الويه !!!
في شركة شلمبرجير قالولي هالكلام بالحرف الواحد طبعا ما سكت لهم واللي قابلتني كانت جزائرية “مفرنسة” قالت لي كيف تسوقين سيارة ! وكيف بتتفاهمين مع الموظفين ! قلت لها انتوا تبون شغل والا سوالف !!؟؟
بعد حوار طويل عريض “ما اتكلمنا فيه بالتخصص اللي بتوظف عشانه” كل كلامنا كان عن الحجاب جان اقولها في 3 levels للحجاب :
1. انج ما تتحجبين
2. انج تلبسين الحجاب
3. وهو الافضل انج تتنقبين
ونا اخترت الأفضل وما يهمني اذا انقبلت والا لا ( مع اني انقبلت في كل مقابلاتهم وكانت هالمقابلة تعريفية للوظيفة) والحمدلله اني ما اشتغلت وياهم
في ناااس في مجتمعنا “يبغونها عوجا” يعني عادي التبرج واظهار المفاتن لكن اذا الانسانة التزمت بالحجاب قالوا شو هالتشدد او انخاف يكون في خلل في الcomunication skills !
ونسوا ان الله سبحانه وتعالى قال : “واذا سألتموهن شيئا فاسألوهن من وراء حجاب” ماذكر الأية بالضبط
و آية ” ذلك أدنى أي يعرفن فلا يؤذين” الحين وين بنت فلان وبنت فلان ينعرفون ناهيك عن ان اللي تشيل النقاب او الغشوة والله ثم والله انها تشيل حياءها شيئا فشيئا
والحمدلله الجامعات تارسة البلاد ومن ترك شيئا لله عوضه الله بخير منه
ما أأيد فكرة النقاب في الجامعات والسبب ، معروف يمكن الوحده اتبدل ويا حد ثاني من تحت النقاب ويتناوبون في فترة الامتحانات ، بعد ليش مب مسموح اذا الجامعه مب مختلطه؟
الله المستعان .