السلام عليكم ورحمة الله و بركاته
اليوم تم افتتاح جسر الشيخ خليفة في جزيرة السعديات رسمياً
من الفضول رحت اجرب الشارع رسمياً و احسب المدة و التوقيت بالضبط
طلعت من منطقة الباهية في بوظبي الساعة 6:39 مساءاً
وصلت ميناء بوظبي و تحديداً عند اول اشارة بجانب سوق المواشي الساعة 6:57
كنت مثبت السرعة 135 كلم/ ساعة .
المسافة اللي استغرقتها لحظة ركوبي لجسر جزيرة ياس و حتى اشارة المينا 12 دقيقة بالضبط 
.
مشروع و لا اروع و اختصار كبير للوقت و مبروك لاهل بوظبي .
موفق بإذن الله … لك مني أجمل تحية .
طبعا هذي المشاريع كانت لازم تخلص قبل الفورملا 1 لانهم يتوقعون حظور عدد كبيره وخاصة من باقي الامارات6(دبي-الشارقة-عجمان…الخ) لان السمحة والشهامه تعتبر بوابة دخوول للقدامين من الامارات السته,ويحاولون يجنبونهم الدخول في داخل ابوظبي عشان ما تصير اختناقات مرورية,,بروحنه مب ناقصين زحمه.
والي يبغي يسير حلبة الفورملا بتكون نقطة التجمع في مصلى العيد في الشهامة(وخاصة للقدامين من الامارات السته), خبر حصري….
الافتتاح الرسمي كان اليوم ،، الشيخ محمد بن زايد افتتحه
و باجر الاعلان عنه في الجرايد ان شاء الله
مشروع رائع و بيخفف الضغط بشكل كبير عن جسري المقطع و مصفح .
حتى للقادمين من دبي و الامارات الشمالية و يبون يسيرون صوب الكورنيش ،، الشارع هذا يختصر مسافة نصف ساعة تقريباً او اكثر .
__________________
اضني يمكن الافتاح هب رسمي عشان اهلشي ماكان فيه اعلان
ان شالله النقله الكبيره بتكون يوم بيفتحون جسر الشيخ زايد الي مقابل جسر المقطع هذاك صدق بيسوي نقله كبيره في بوظبي تخيل الناس الي يسيرون دبي اكثرهم بيودرون جسر المقطع يعني بتخف الزحمه وايد في شارع المطار وشارع المصفح
لان اكثر الزحمه هي من الي سايرين لدبي والشماليه والقادمين منها والجسر بيخفف بيختصر مسافه كبيره وبيخفف الضغط على باقي الشوارع لبوظبي
مع انهم وايد طولوا فيه بس ان شالله خيرر
__________________
الله يبشرك بالخير
غريبة ماعلنوا عنه فالجرايد
باجر ساير صوبه