( قف عمال يشتغلون )
( احذر عمال يشتغلون )
تستمر بعض من امارات الدوله باستخدام اسلوب تقليدي قديم في تنبية السائقين بضروره اخذ الحيطه والحذر لوجود اعمال طرق امامهم او عمال يشتغلون
فقد تفاجأ للحظه بأن هناك جسم انسان يلوح بالعلم الاحمر بوجود اعمال طرق مفاجأه امامك ،،
طبعاً هذا الجسم البشري هو لاسيوي فقير لا حول له ولا قوة الا انه ينصاع للاوامر
بغض النظر عن خطورة الموقف ،، وعدد الساعات اللي يلوح فيها هذا المسكين بيده والوقوف تحت الشمس على رجليه بالساعات
لا اعلم الى متى نستمر بالتضحيه بهؤلاء الفقراء
ولا اعلم ما هي الاسباب التي تجعلهم يستبدلون الالواح والاعلانات التنبيهية بالجسم البشري ،،
اتمنى النظر في هذا الموضوع
وانتظر تعليقاتكــــــــــــــــــــــم
رجاءاً اللي ما يحب نوعية مواضيعي اتمنى انه يلزم الصمت ويفارج بمجرد رؤية كاتب الموضوع
مانبا مغثه
وشكراً
عندك حق في كل اللي قلته اخي
اضافتك اسعدتني والله يعينهم ان شاء الله واتمنى اتخاذ الاجراءات اللازمه وابسرع وقت
اختي لو في وعي للإشارات ما وضعوا للأسف ( دروع بشريه ) انا ودي يقف المهندس المختص بالتلويح ولو مره
او اي مشرف على المشروع ويرى مدى خطورة الموفق كان وقف هذا الأستهتار بالبشر واستحدثوا طرق افضل منها .
عندنا وعندكم نفس هذه الظاهره ….من هيك سمونا الدول الناميه او العالم الثالث ….؟!
الحق مب على العمال
الحق على فورمان ومهندس المشروع دايما يحطون العمال بالرايات الحمر دون اي ضمانات لحمايته من السيارات المسرعة .
الله يحميهم ويحفظهم
لا يا خويه وين اسلوب يديد المشكله صدقك ايكون قريب جداً من الشاحنه او موقع العمل يعني الواحد ما يقدر يتفاداااه ،،
الحمد الله على سلامته ،، والله سلمك والا جان الحين داخل في سين وجيم ،
انزين يسووون لوحه وينقلونها من مكان لمكان وتكون على بعد كافي لتجنب الاخطار
اشكر مشاركتك اخويه اللي اسعدتني
وانا اتحرى اسلوب حديث. اذكر مرة بغيت اشل واحد. كان شارعين وانا مسرع, واشوف شاحنة لرش الماي جدامي والحبيب يلوح من 100 متر من الشاحنة, بغيت الف بس في سيايير على الشارع الثاني. الله سلم ذاك اليوم ولا جان الريال بيكون فوق الشاحنه مالهم.
نعم هذيل يشكلون خطر كبير والظاهر ان هذي طريقه اسرع بدل ما يسير ويسوون معامله من دائرة الاشغال ما ادري البلدة عشان يطلعون لوحات التنبيه.