مســـــــــــــــاء الــــورد ..
جزيرة اللولو
جزيره في وسط البحر مقابل كورنيش بوظبي وتبعد خمس دقائق عن كاسر الامواج
فيه طرادات خاصه توصل للجزيره ..
داخل الجزيره فيه قطار وباصات ومطعم وكوفي يعني الخدمات متوفره
وبالجزيره شاطئين الاول جهة كورنيش بوظبي والثاني مطل على حاجز صخري للامواااااااج
الشواطي مجهزه بالمظلات والخيم وبكل ملحقاتها الخااااصه ..
الجو كان روووعه يرد الروح واحلى شئ في الرحله انها كانت شبه فاااااااااااااااااضيه
رغم انه كان يوم خميس مااعرف ليش يمكن حظي انا او حظ ريلي 
المهم اخليكم ويا الصووووور وتستااهل الزياره ,بالذات في هالفتره لانه الجو يجنن و قبل لا تتحول لمستعمره من البنايات 
التجول في الجزبره بالقطار
صوره لــ علمنا الشامخ اللي على كاسرر الامواج
الشاطئ الآخر للجزيره المطل على الحاجز الصخري ..
… 
البحيره
بحيره روووعه قعدنا حول الساعه فيها ..ومحد كان غيرناااا
صور للنورس
كانت طيور النورس امسويه طوق طويل اول ماوصلنا طاارت
عقب ظهرنا من البحيره ومشيناا الين ماوصلنا المطعم
المسافه تقريبا كيلو متر من البحيره للمطعم بس عادي اللي مايبا يمشي يتريا الباص عسبة
يوصله وين مايبا ..
منظر لبينونه من المطعم
الشاطئ المقابل للكورنيش
واحلى شئ صورة الشيخ زايد الله يرحمه
هنيه قيلنا الين ماغربت الشمس
وخلصت رحلتنا
سلامي على بلادي .. أرض لي و أجدادي .. في عيدج إماراتي .. كل الفخر و الأمجاد
.. و لج مني ورد حب و تهاني .. ممن القلب أقولج أحبج إماراتي ..
4/12/2008
سلمت يداك على هذي الصور الاكثر من رائعة … جزيرة رائعة بمعنى الكلمة.
اللي أعرفه إنه الشيخ سلطان بن زايد
منع يبنى عليها شيء وانها بتكون لتراث فقط !!
الله يخليه هو وشيوخ للبلاد
دمتم بود
هالجزيره خذتها شركة صروح العقارية وراح تطورها بس للحين محد يعرف شو بيسوون فيها
^_^
تسلمين على الموضوع الرائع
جميل جميل جميل
والحمد لله الجزيره هذه لن يبنى عليها شيء كما أعلم
تقرير جميل صراحه
أغراني بالذهاب هناك
شكرا لك
ماشاء الله المكان صدق روعة