السلام عليكم…
اخواني و خواتي انا طالبة المشورة و ان شاء الله انا بمشي ع رايكم و بسوي اللي تشورونبه عليه…
يا اخواني ذبحني بنك ربوي معروف اسمه بنك ال
ادفع ..ادفع ..ادفع ..ادفع ما يطيح شي من السلفة الا القللللللليل بالنسبة للقسط الضخم اللي ادفعه..كل ما اسألهم ليش جي اونه انتي يالسه تدفعين فوايد لان الجزء الاكبر يسير للفوايد…زين الين متتتتتتى ؟؟؟ انا ع هالحال صارلي اكثر من ثلاث سنين و القرض هو هو ما يتزعزع ثابت و اللي ادفعه ما اعرف وين يسير…
قلت بتوكل ع الله و بسير بوظبي الاسلامي مع اني عارفةبيطلبون مني فوايد بس شسوي خربانه خربانه و طبعا بالاسلامي اكيد بخلص قبل الربوي بس الصدمة يوم قالولي انهم يبون 150 الف ارباح…
الحين ما اعرف شو الشور..احس بعد حرام يصير علييه 150 الف زيادة 
ما اعرف ما اعرف ما اعرف اخاف اغامر و اتندم و اخاف اتم في هالبنك و اتندم…ابي شوركم بليييييز 
نصيحتي ادفعي اكثر لان اظن كل ما دفعتي اكثر كل ما طاحن الفوائد
يعني بدال ما تدفعين قيمة قسط واحد كل شهر ادفعي قيمة قسطين او اكثر
واختي انا ما اعرف واايد في الديون بس توكلي على الله واستخيري في احد الامرين
وتوكلي على الله
اذا هي توبه نصوحه .. خلااص لاحول ولاقوه خليهم ياخذون فوايد مو مشكله وبذمتهم احسن حلال .
الحمد لله مالي في هالدروب ..
الله يكونن فعونج اختي
ماعرف عن هالامور
اول شي الله يعينج اختي .
انا بعطيج تجربة واحد من ربعي . يمكن تفيدج
الشخص هذا كان عليه سلفية في بنك ربوي و اظني انه نفس البنك بقيمة 480 ألف ومثل موضوعج يدفع ولكن القرض مثل ما هو .
طلع كتاب مديونية من البنك و راح ديوان ولي العهد الله يحفظه و قدمه عندهم مع كتاب يشرح فيه ظروفه . المهم بعد فترة اتصلوا به و قالوا له بيتم دفع 280 الف من المديونية .
المهم الريال الي اتصل به كان فاهم قال له انا مابا طرش لهم الشيك . روح لهم و تفاهم وياهم عأساس ينزلون له السلفيه وانقلها المصرف الاسلامي . مع العلم انه كان يدفع لمدة سنتين ولا طاح منها الا 18000 و قسطه 5200 .
المهم راح لهم بكشوفات الحساب الي عنده و باوراق السلفيات . قعدوا يلعبون عليه . راح لهم المره الياية مع محامي من اهله . و طلع فالسالفة لعب . فنزلوها من 200 الف الي 150 الف . شرط يدفع ال 280 الف كاش . اتصل عالريال و نسق وياه و استلموا الشيك و هو هناك مع المحامي . و على طول اشترى مصرف ابوظبي السلفيه و اطلعت عليه اظني 25 الف زيادة و تم يسدد لهم لين خلصها . وعقبها تاب من السلفيات ^_^ .
اتمنى اني اكون افدتج . وان شاء الله ييسر امورج
ما في شيئ ذح الناس الآ الفوائد المركبه الي انتي اختي متورطه فيها
هذه الفوائد مثل قمة الجبل تدفعين وتعتقدي انك دفعتي من اصل المال المتفق عليه وتتفاجئين بانك الى الآن لم تدفعي
شيئ لان المدفوع هو فوائد الفوائد ! ولازلتي تدفعين لان قاعدة الجبل هي التي تولد القمه اي الفوائد المركبه ,,
مع مراعاة زيادة الفوائد حسب رفع او انخفاض الفائده العالميه طبعا مربوطه بفوائد البنك المركزي ,,
وهذا ما تتكالب عليه البنوك التي تصطاد الموظفين الجدد بالأغراآت من سيارات والخ ,,,,,,,,,
اختي هذا تفسير ما انت به ,,,,,,,,,
الله يفك دينك ودين كل واحد متورط مع هذه البنوك الربويه ولكن الاسلاميه لا تزيد على المبلغ المتفق عليه وهي( المرابحه )
وان زادة او نقصت الفائد لأن المبلغ مقطوع ,,,,,,,