جمعية الاتحاد التعاونية و العقلية المتخلفة

صراحه انا بقول القصه كلها و انتوا احكموا و كل واحد يقول رايه

سرت جميعة الاتحاد اللي في راس الخور ، لأني شريت أسهم جمعية الاتحاد ، الموظف اللي هناك عطاني فورم و عبيته كامل ، و قال الموظف عطني الجواز بصوره ، قلت له تفضل ، يوم فتح الجواز الا و شكلي مسوي جريمة ، قلت له خير ، قال اخويه ما يصير تشتري ، قلت له ليش قال لي و الله انت من بوظبي ، و جوازك صادر بوظبي ، قلت له شو يعني ، قال ما يصير ، المهم سألت الموظفة اللي عنده قالت لازم تملك بيت في دبي و اتييب لنا فاتوره الكهرباء.

المهم

الحين بالعقل ، المواطن هل تفرق اذا مواطن من بوظبي ولا من دبي ولا من الشارقه او من اي مكان ؟؟ و هل المواطن بس جنسية ، يعني اذا الاجانب يحق لهم التملك ، و انا مواطن ما يحق لي اتملك اسهم جمعية الاتحاد ، شو اسوي فيهم ، هل لهاي الدرجه بس عسب مكان الاصدار في الجواز مكتوب بوظبي ،

كل الشركات اللي في سوق دبي المالي مفتوحه للأجانب مب مشكله ، بنقول الاتصالات ، الحين يوم الواحد يبا يشتري اسهم محد يقوله امتلك بيت و بنعطيك اسهم ولا حد بيقول والله جوازك من كذا و كذا و كذا

حبكت على أسهم الجميعة ، يعني حصريا للمواطنين ، اوكيه مب مشكله بس حصريا للمواطنين اللي جوازهم صادر من جنسية دبي ؟؟؟

صراحه هذه اعتبرها قمة الجهل

و شو الفرق لو كان عندي ببيت في دبي و يبت لهم فاتوره الكهرباء ؟؟؟ والله امركم عجيب يا جمعية الاتحاد