جمعيـــــــــــة للتجــاااار والهواميـــــــــــــــــــــــــــــر ^ _^ 110000 درهم

مرحبــــا الســــاع

اشحالكم يا عرب زايد ربكم الا بخير وسهالة؟

خواني انا ما بطول عليكم ،انا وربيعتيه مسوين جمعية وطارحينها في منتدى ثاني والمفروض نبداها من هالشهر شهر 11 بس ما اكتملت وماحبينا نكنسلها لانها وااااايد حلوة والمبلغ 110 الاف درهم وبصرااااحة المبلغ رااااهي واي واحد ممكن يستفيد منه اذا يبا ياخذ سيارة او يأثث بيته او عندهم حد بيعرس أو حد بيسافر..

المهم الجمعية مدتها 11 شهر والسهم الواحد بـ 10 الاف درهم بس تقدرون تشاركون بـ 2500 او 5000 او 7500 او 10000 على هواكم ..

وهذا ترتيب الجمعية الحالي

شهر 11 الوتر الحزين ( 10000)
شهر 12 اخت الوتر الحزين ( 5000) ، ريانة العود (5000)
شهر 1 ام زايد (8000) ، فاضي (2000)
شهر2 عيون ذباحة (5000) ، أمممواج (5000)
شهر 3 فاضي (10000)
شهر4 فاضي (10000)
شهر 5 ماما فاطمة (10000)
شهر 6 امممواج (2500) ، فاضي (7500)
شهر 7 فاضي (10000)
شهر8 فاضي (10000)
شهر9 فاضي (10000)

طبعا اللي بيدفع 2500 بيستلم 27500 درهم
واللي بيدفع 5000 بيستلم 55000 درهم
واللي بيدفع 7500 بيستلم 82500 درهم
واللي بيدفع 10000 بيستلم 110000 درهم

وبخصوص الضمانات بتكون :

1. جيك بالمبلغ اللي بيستلمه العضو ولا تنسون توقعون في ظهر الجيك ( طبعا لا تخافون هذا مجرد ضمان وبمجرد انتهاء الجمعية برجعلكم جيكاتكم )

2. صورة جواز السفر وموقع عليها من الخلف ومكتوب الاتي بخط يد العضو:
أقـر وأتعهد انا المشـتـرك فلان بن فلان ( وتحطون الاسم كامل شرات ما هو مكتوب في الجواز ) ، أحمل جواز سفر رقم ( وتحطون رقم الجواز) وانا بكامل الأهلية القانونية بأني قد اشتركت بالجمعية المالية والمنعقدة لـمدة 11 شهرا وذلك إبتداءا من تاريخ 02/ 11 / 2007 م وحتى 02/ 09 / 2008 م.

واتعهد بأن ادفـع مبلغ وقدره (10000 درهم) ( عشرة آلاف درهم اماراتي فقط) عاده كل واحد يحط المبلغ اللي بيدفعه من بداية 02/ 11 / 2007 م ولغاية 02/ 09 / 2008 م.

و اتعهد بالإلتزام بدفع المبلغ في الوقت المحدد من كل شهر وإيداعه بحساب مسؤول الجمعية على رقم حسابـه

واوافق على تاريخ استلامي للجمعية في شهر ( كذا ) بمبلغ ( كذا)

3. ممنوع الانسحاب من الجمعية عقب ما تبدا

يالله يا اخواني شدوا حيلكم ترا الجمعية واااايد حلوة وتسوى والمبلغ بعد محرز

اتريا تجاوبكم وان شاء الله تكتمل الجمعية