السلام عليكم
اليوم وصلني صور من حادث سيلين في قطر 3-12-2010 .. سيلين منطقه معروفه حالها حال عوافي
و البداير عندنا هنيه ..
الدريول الله كتب له عمر يديد ويقولون طار بعيد عن الموتر اما المعيون اللي طار من الفتحه اللي فوق يقولون
يته ضربه في الراس والله يشفيه يارب … تتوقعون لو كانو لابسين حزام بيستويبهم جيه ؟!!!!!!!!!!
الله المستعان الشتا بدا والحوادث بتزيد …
الحمدلله والصلاة والسلام على رسول الله وعلى آله وصحبه أجمعين
والله ياشيخي هذا ردي كان لواحد انحذفن ردوده .. مايخصه في الموضوع
وكلامك عين العقل .. لاهنت
هب شغله يهال ومراهقين ياخويه .. اي شي يزيد عن حده ينقلب ضده
نحن من ستوينا ونحن فالسيوح نقطع ونروح وني وحمد الله ماقد سوينا حوادث ولا ضرينا عمارنا ولا مواترناا اشتكت من شي بس بحدود
حد مالناس من يدخل الرمله مايشوف قدامه يلعن اسلاف الموتر وهذا الغلط هني
لو ضهر سالم ما بيضهر موتره سالم
ودايما المثل يقول روح بعيد وتعال سالم .. لا تتجمع او تدخل مكان التجمعات يمكن حد طايش يخبطك وانته مالك بالسالفه فلخك دوم بعيــد
والبــاقـي عند رب العالميـن .. الله يسلمهم ويسلم امه محمد
وهذي الصور
.
.
لاحول ولا قوة الا بالله العلي العظيم
والله حسافه على الشباب الله يحميهم وينجيهم من شرور انفسهم
يا شباب تذكروا والديكم واهلكم حرام تكسروا ظهورهم وتبلوهم بالسكري وباقي الأمراض
بعد غياب دام سنين تلاقيت ويا واحد من ربعي ويوم شفته ما صدقت انه هو نفس الشخص
اللي كنت اعرفه وين فرق كبير اللي اشوفه قدامي شيبه منتهي وهذاك كان جسم وطول وعرض
سألته شو السالفه وقال لي من يوم توفى المرحوم ( ابنه في حادث سياره ) وحالي كل يوم أسوأ
من اللي قبله سكري وضغط ومشاكل كثيره وقال لي يابو احمد حياتي انتهت من يوم وفاة ولدي …..
وسألته عن اهله الحرمه وكيف احوالهم واجابني بأنها في فراشها من أربع سنين من يوم وفاة المرحوم
وانا اقول لكم شو ذنب الوالدين انك تحطم حياتهم هالله الله بعماركم يا عيال واتقو الله فينا .
شـكــ وبارك الله فيك ـــرا لك … لك مني أجمل تحية . مشكور عتيم