السلام عليكم
شحالكم
في مـــــــــــزيد
نيسان فتك والتيما يتسابقووون
راعي النيسان خف سرعته جدامه دوار وراعي الالتيما لاصق وراه(متذري)
ويدعم راعي الالتيما راعي النيسان من الخلف وشاح راعي النيسان وانجلب ودعم نخله ومسحها
وراعي الالتيما كان مسيطر عالموتر وتيه من ورى ستيشن وتلطمه خلاف ايي بيكب ويلطمه راعي الالتيما ما ادري شو صارله اما راعي الاستيشن مافيه شي ولله الحمد والبيكاب مافيه شي لاهو ولا راعيه
البيكاب موقف لين الحين ومشغل اربع اشاير لين الحين
راعي الالتيما تعور في راسه
والله يبعدنا من الحوادث
كان معكم العيناوي في نشرت اخبار اليوم
من آمن العقاب اساء الادب …. سؤال : ليش الشرطة بامريكا لهم هيبة كبيرة ؟
وتذكرون لما عملوا حلبة للشباب شرق مصنع العين للمياة علشان يرضونهم قاموا يضربون ويلات على الشرطة ودكوهم تراب والحين سكروا الحلبة….!
وبعدين انا مستغرب زمان اول الولد ينفع ابوة ان كان فى البحر او البر .
راعي الرجاب ( البوش) نفعوة اولادة وراعي التجارة كذلك.
بس الحين الولد من يخط شاربة يكلف فى الشهر اكثر من امة ، الكندورة ما اتم علية 4 ساعات وبدلها ويبى مصروف وسيار وعرس لا وبعد بشروط ..
البطرة وما تسوي!
ريال مطوع وكبير بالسن ومعروف عند العرب ولدة سوى حادث فوق جبل حفيت واحد مات وهو شلوا البنكرياس واحدى الكلى.
والثالث حالتة ما اتسر العدو.
والله كفاية ! حرام الي يسونة في أهلهم
انا اسوق في العين وميود عمري اخاف حد يدعمني
شباب يتسابقون جدامي والله انهم مستهترين وبايعين ارواحهم
الله يهديهم بس
ما يخص الصدقة في الحواااادث هذي من السرعة والبطرة
والله لو اشوف حد يسرع وكانت لي سلطة لا اشل السويجات عنهم وارمهم ركوب السيارة سنة كاملة من غير الغرامات
هذيل مب الا روحهم يموتون او بالاحرى ينتحرون يجتلون ناس وياهم مالهم علاقة في الموضوع
الله يرحم أمة لا إله إلا الله
لاااا حول ولا قوة الا بلله … في العين وين يرومون يتسابقون بعد .. يوم انها كلها دواوير … راسك يدور وانته دواااااااااااااار سيده _____________________ه_____________________ه______ _______
الله يهديــــــــــــــهم ويصلحهم