السلام عليكم ورحمة الله وبركاته
ما ابغي اطول عليكم ولا اغثكم بمقدمه لها اول ومالها تالي
×ذكرت سابقا بان اعلان اعمار لشراء اسهمها
سيعجل وتيرة النزول ومحد اهتم
×ذكرت بان السوق احمر اليوم وبيرتد والي بيدخل اليوم بيستفيد ومحد اهتم
×والحين اقولكم الاموال الي خرجت ماهي الا اموال الاجانب المخصصه لمضاربات العملات وليس الاسهم
×وبرجع اقول اننا لا نعلم الاخبار السيئه في الاقتصاد الامريكي و العالمي الا بعد فوات الاوان و الوضع الامريي في طريقه الى الحل ولكن مازالت الامور شوي غامضه
و الاخان يلمحون الى افلاس شركات التأمين العقاري
و البقية تأتي ولكن الدور الي بعد قطاع التأمين من لا نعرف وهل هو اخر القطاعات المتأثره لا ندري
ولكن ارجع واقول
الان وقت الدخول على بعض الاسهم وليس كل الاسهم الا وهي ” الي تحت 1.90 فلس” وانا مسئول عن كلامي
يا جماعه في اسهم بسعر الاكتتاب انتو يالسين تكتتبون من السوق
لو قالو انه في شركه عليها اكتتاب
بتاخذون خلاصتكم وخلاصت كل من تعرفونه عشان تكتتبون
وبتعطون كل شخص مبلغ معين عن خلاصته
وبتضهرون وكلات عامه للاسهم عشان ترومون تحولون الاسهم
رسوم اكتتاب
رسوم تحويل
مبالغ لتصوير الاوراق الثبوتيه
وغيره وغيره من الرسوم
سعني بيطلع عليكم سعر السهم ب 1.25 اقل شي ومب ب 1 اكتتاب
واخر شي تتجمد فلوسكم شهر ولا شهرين ويردونها لكم ويقولولكم انت يا فلان اكتتبت ب 100 الف لك بس 10 الاف سهم
انتو الحين بمكانكم تكتتبون من السوق على الاسعار الحالية وبعدد الاسهم الي تبونه شو تبون اكثر من جي
كم بتوصل الاسهم ماينس ما اضن شو يعني لما اتكون خسارتي دفتريه يعني حبر على ورق فقط طالما ما بعت
نصيحتي الى الاخوان في حال نويتو الدخول الى الاسواق المالية
1ـ لا تدخل بكل راس مالك في السوق على سعر واحد ومره وحده
يعني اذا عندكم 400
يعني اذا عندكم 400
خصص 100 الف للقطاع المصرفي تدخل على السهم الفلاني على سعر 2 ب 25 الف درهم وعلى 1.50 25 الف درهم وعلى 1.25 25 الف درهم وال 25 الف الباقيه تتريا وما تشتري فيها في حال نزل السهم اشتر واذا ارتفع اشتر ومب خسران
100 الف في قطاع التأمين
100 الف في قطاع العقار
100 الف في قطاع الاتصالات مثلا
الفايده من هذا الامر انه تقلل الخسائر لا سمح الله في حال حدوث اي نزول كون المبلغ موزع على اكثر من قطاع واكثر من سهم
2ـ لا تحطون كل فلوسكم في سهم واحد
3ـ لا تستثمرون فلوسكم في قطاع واحد
بتقولون المحافظ المحلية مادخلت بقولكم المحافظ المحلية و الاجنبية ماهي سائله عنا وقت الشرا و لا البيع في الوقت الحالي وما بيتذكرونكم الا اخر السنه عشان يصرفون اسهمهم عليكم
وعقولكم براسكم تعرفون خلاصكم
و السموحه على الاطاله
اخي الكريم طرحت هذا الرقم لسهولة تقسيمه على اكثر من قطاعات
والله يعوضك ان شاء الله
وتشوف الاحمر اخضر باذن الواحد الاحد
اسمحولي اشبه شراء الاسهم بحجز تذكرت السفر
اذا في شخص مب متأكد من سفره يسير مكتب الطيران ويحجز بالاسم و من يتأكد من سفره يأكد الحجز ويدفع ثمن التذكره
احجزو انتو سعر بجزء من السيوله
وان نزل ما تكون عنكم اي مشكله للتعديل كونكم لم تدخلو بكامل السويله
وان ارتفع خير وبركه بعد عدلو السعر يعني ما بتشترون باسعار مرتفعه
اما انكم تتشوفون اسعار مغريه وتوقفون متفرجين هذا هو الغلط بعينه
لانه يمكن ما تشوفون هذي الاسعار مره اخرى والسبب ارتفاع الاسعار ويمكن ينزل السعر وتراكم بترومون تعدلون ان شاء الله