السلام عليكم
حبيت استشيركم وستفيد من مشورتكم
انا ناوي افتح مطعم فبوظبي وهذا المطعم خاص للبرياني فقط وعندي طباخ يجيد فن الطباخة
لكن اللي حيرني وين المكان المناسب لمطعم صغير او في أي شارع ومع ايجار مناسب وهل اذا خليته خاص للبرياني بيكون ملفت للانظان مع حسن الطبخ ؟
واللي يشوف ان المشروع مامنه فايده لكثر المطاعم يقولي واحب اسمع من غيري او مايصلح فبوظبي او ….الخ
والله يوفق الجميع
رأيت أنك قد حددت وجهتك الاستثمارية في ” مطعم “
إن كنت مصر وترى أن له دخل سنوي لا يقل عن 30 % من رأس المال فهو جيد
نصيحتي : في نقطة واحدة فقط
ابتعد عن بيوت العوائل ” ياكثر الخادمات ”
المكان : اختر منطقة حساسة يتمركز بها العزاب ” كقرب سكنهم أو نقطة مرورهم أوقات الوجبات “
اتمنى لك التوفيق من كل قلبي
مبين من موضوعك انتك تبا تفتح مطعم غالبا حق التيك اوي و الهوم دلفري..لانك قلت مطعم صغير..يعني مب عود عشان الناس ييلسون فيه و ياكلون…هي فكره حلوه و ما يبالها راس مال كبير
عشان ينجح المطعم
1. افتح في مكان بين البيوت و مافي مطعم ثاني قريب منك..عشان تسيطر على المنطقه.
2. خل شكل اللافته مرتب و حلو..يعني مب ديزاين مال الهنود
3. المطعم لازم يكون شكله نظيف و مرتب من برع
4. الجراسين اللي ياخذون الطلبات كاشخين و لابسين لبس جراسين
5. حط لك سياره حق توصيل البيوت .. و احرص ان التوصيل ما يتأخر اكثر عن 45 دقيقه
6. عليك بالدعايه بين معارفك و هلك يعني word of mouth و هذي اقوى انواع التسويق لان يوم الكلام اييك من انسان ثقه على طول تصدقه و تبا تسير تجرب
في دبي مطعم الجوارح نفس فكرة مطعمك و اكله لذيذ بشكل لو تسير الساعه 2 الظهر تحصل غداهم مخلص
و لا تنسى الاستخاره
و ربي يوفقك
تبا رايي لا تفتح المطعم
لانه فيه ريسك كبير
الا اذا كان المطعم المقترح فتحه ذو راس مال كبير
يعني على مستوى وديكورات
ولو تبا رايي افتح مشاريع فيها خدمات مش بيع بضاعه
و في الاخير الراي لك
وهذي نصيحه اخو
بالتوفيق ان شاء الله
بالتوفيق اخوي وفكرة البرياني والتخصص حلو….