السلام عليكم ورحمة الله وبركاته
ما أريد أطيل عليكم الموضوع
وبخليكم مع عينه من الصور مشاريعنا في العين علشان تحكمون مدى روعة شغلنا وإن شباب الأمارات يقدرون ينافسون السوق بأسعارهم
هذي فقط عينات لبعض مشاريعنا والباقي بتحصولنها في ملف على هذي الرابطه
أسعارنا معقوله وليس مبالغ فيها نهائيا وإلي يريد يسال السوق فاتحه أبوابه
أسعار الأسواق بنسبه للحجر السوري الطبيعي إلي إحنا نستورده
الأسعار في السوق التوريد 100 درهم وتركيب 100 درهم
أسعارنا التوريد 85 درهم وتركيب 85 درهم
إذا المساحه كبيره تتعدى 1000متر مربع
السعر توريد 80 درهم وتركيب 80 درهم
إذا الفله فيها ديزاين وديكوريشن أسعارنا بتكون أقل وبنراعي الزبون بكل شي
إذا ديزاين تكلفته أكثر من 150 ألف بيكون سعر التوريد 75 درهم وتركيب 80 درهم
إذا ديزاين تكلفته أكثر من 250 ألف بيكون سعر التوريد 70 درهم وتركيب 75 درهم
أسعارنا ثابته مع ثبوت السوق ومرتفعه مع إرتفاع السوق
تعاملنا هو الربح البسيط لفاده أكبر
وفايدتنا سمعتنا في السوق الإمارات وبعيد عن التعاملات الغير قانونيه
أخوكم المظلوم
0507734554
هلا أخوي بواحمد مشكور على الدعوه الطيبه والله يوفقنا إلى الخير يارب
بنسبه لحساب التكلفه أخوي
كل جدار في البيت من الخارج ينحسب العرض في إرتفاعه
مثلا إرتفاع الفلل عندا في العين هو 4 متر للطابق الواحد مع طابقين يصير 8 متر وزيد 2 متر للبار رربيت
أي إذا طابقين بيطلع 10 متر هذا هو إرتفاع الفله من الأرض
وتخيل إن البيت عندك عرض الواجه 20 متر طبعا هذا العرض طبيعي وتقريبي لفله عاديه
أي الواجه فقط 20*10=200متر مربع
اي لو تريد تسوي واجه من الحجر السوري بتكون الحسبه كتالي
للتوريد
200*85=17.000 درهم
للتركيب
200*85=17.000درهم
المجموع 34.000 درهم
هذي واجه لفله متوسطه
خلني أقولك كم طلع السعر لفلتي
فلتي عباره عن 730 متر مربع
عباره عن 6 واجهات متكسر من الأمام +الخلف أي الفله بأكملها
بالمجموع عرضي للفله 70 متر
إرتفاع الفله 10 متر
التوريد طلع علي 700*85=59.500درهم
ونفس الشي التركيب 59.500درهم
أي البيت كامل طلع علي 119.000درهم
بس أنا فكرت فيها واااااااااااااااااااايد
سحبت بند البلستر والصبغه للفله من المقاول وطلع بحدود 52 ألف
ولو تفكر فيها إن صبغة البيت بعد 5 سنوات لازم تغيرها أو بترد تصبغها من أول وجديد فلازم تدفع 10 لين 25 ألف صبغه وعلى حسب نوع الصبغه وشكلها وما شاء الله الأسعار تزيد أي بعد 5 سنوات إنت تحلم تحصل صبغه بهذى السعر وإحسب تصليح الكركات والبلستر
بنسبه للحجر صح أنا خسرت 119 ألف بس أنا متأكد إني ما بدفع ولا درهم بعدها عل البيت من الخارج
الشي الثاني الحجر الطبيعي السوري أو الأردني يكون بارد على البيت وحتى في الصيف حط إيدك على جدار البيت من الخارج بتحصله بارد لأنه سبحان الله تعالى فيه مواد عازله عن الحراره ، وما دام بيتك بعيد عن الحراره والرطوبه فإنسى إن في كركات أو شقوق داخل بيتك
أنا من خبرتي أشوف الحجر يحافظ على البيت من الداخل ويبهر البيت من الخارج
إخواني أنا ما أسوي أي دعايه عن نشاطي بس أريد أبينلكم فوائد الحجر وإنتم نزلوا السوق وسألوا عن الأحجار وأنواعها وأشكالها
إخواني أي واحد عنده حجر يريد يستورده من سوريا يعطيني عينه من الحجر وإن شاء الله بستوردله الحجر بنفس السعر
الله يوفقك انشاء الله بس ممكن اتقول لو احبيت اركب حجر كيف اقدر احسب التكلفه يعني هل على طول وعرض الفيلا او على مساحة الفيلا الكليه ياريت الافادة منك
بالتوفق ان شاء الله
هلا أخوي أرباب
الشغلنا كله حجر طبيعي
إذا تريد صناعي مكود في صناعية العين
بالنسبه للتوريد ماعندنا مشكله نهائيا في أي مكان في الدوله بنوردلك
بس التركيب في العين وأبوظبي
تعرف باقي الامارات بعيده شوي على واحد بشتغل شهر تقريبا تركيب