السلام عليكم ورحمة الله

اليوم سرت أصلي قيام الليل عند شيرزاد في مسيد حسن الشيخ (مب متأكد من إسم المسيد )

المهم

بعدما خلصنا 8 ركعات وسلم الإمام نش واحد مصري في العشرينات بس لابس كندورة و قال حق شيرزاد عطني الميكرفون أبغي أتكلم ، شيرزاد قاله شو تبغي تقول ؟ ما أعرف شو رد عليه بالضبط لأني ما سمعته ، المهم شيرزاد قال له : ممنوع . جان يقول : لا إلا بتكلم !!!!

شيرزاد قال : إستقيموا وأعتدلوا . على أساس أنه يبغي يتجنبه (يلبسه) ، بغى المصري يعتدي على (شيرزاد) اهني نشوا المصلين وزخوا المصري ، والمصري تم يصارخ وهو معصب وايد ، المهم سحبوه و طلعوه من باب اللي يدخل منه المطوع وعقب احنا ردينا كملنا الصلاة ….

المهم يوم طلعت شفت دوريتين (شرطة) جان أسمع واحد يقول لهم أن يوم طلعوا المصري من المسيد قام شرد وكان يمر الشراع بدون ما ينتبه وزين ما داسه حد ؟!!!!!!!!

ابصراحة أول مرة أشوف موقف غريب جذه في مسيد ؟!!!!!!!!!!!!!

بس ابصراحة شيرزاد كبر في عيوني يوم نشوا المصلين زخوا المصري ، شيرزاد قالهم : لا تضربونه ولا تأذوه !!!!!!11

لا حول ولا قوة إلا بالله

38 thoughts on “حدث في مسجد الطوار”

  2. السلام عليكم ورحمه الله وبركاته,,

    كنت موجود يوم استوا هالشي ,, اغلب الموجودين قالولي انه هالرجل اللي بصراحه مااسميه رجل , انه ادعى انه عيسى بن مريم استغفر الله العظيم !!,, وشرد ودعم كذا موتر وانا وواحد من الشباب حاولنا نلحقه, وانا بصراحه ضيعته ,,

    المهم انه سكر الليتات وشرد ووصل الين عيمان تقريبا ,, وربيعي الله يعطيه العافيه قدر يلحق يسجل رقم موتره وبلغنا عليه ,,

    ماعليه بينزخ اذا مازخوه ,, قسم بالله رفع ضغطي , ماشي احترام لبيت الله ولا للدين ولا للمصلين حتى ,,

Comments are closed.