السلام عليكم ورحمة الله
اليوم سرت أصلي قيام الليل عند شيرزاد في مسيد حسن الشيخ (مب متأكد من إسم المسيد )
المهم
بعدما خلصنا 8 ركعات وسلم الإمام نش واحد مصري في العشرينات بس لابس كندورة و قال حق شيرزاد عطني الميكرفون أبغي أتكلم ، شيرزاد قاله شو تبغي تقول ؟ ما أعرف شو رد عليه بالضبط لأني ما سمعته ، المهم شيرزاد قال له : ممنوع . جان يقول : لا إلا بتكلم !!!!
شيرزاد قال : إستقيموا وأعتدلوا . على أساس أنه يبغي يتجنبه (يلبسه) ، بغى المصري يعتدي على (شيرزاد) اهني نشوا المصلين وزخوا المصري ، والمصري تم يصارخ وهو معصب وايد ، المهم سحبوه و طلعوه من باب اللي يدخل منه المطوع وعقب احنا ردينا كملنا الصلاة ….
المهم يوم طلعت شفت دوريتين (شرطة) جان أسمع واحد يقول لهم أن يوم طلعوا المصري من المسيد قام شرد وكان يمر الشراع بدون ما ينتبه وزين ما داسه حد ؟!!!!!!!!
ابصراحة أول مرة أشوف موقف غريب جذه في مسيد ؟!!!!!!!!!!!!!
بس ابصراحة شيرزاد كبر في عيوني يوم نشوا المصلين زخوا المصري ، شيرزاد قالهم : لا تضربونه ولا تأذوه !!!!!!11
لا حول ولا قوة إلا بالله
الظاهر إن المنتدى بكبره كان هناك.
و اللي ماكان هناك، درا بالسالفه هنيه.
حليله المصري، ما عرفتوا تتصرفون وياه.
راشدي عـ ويهه من جدا عينه، و بتلقونه واقف وياكم يكمّل الصلاه.
شير : يعني أسد
زاد : ما أعرف صراحة
وهذه أسماء باكستانية مركبة
هههههههههه سبحان الله كنت حاسه انه حد بينزل موضوع عنه
بصراحه نحن زغنا يوم سمعنا الحشره عند الرياييل .. عاد انا قلت يمكن حد مستويبه شي
لانه واحد زاعق و قال ,, عادل ييب ماااي
بس يوم سمعت صوت المصري قال انته حمار عرفت انه ظرابه ههههههههه …
خيييييبه يعني بغى يضرب شيرزااد .. لاحول و لا قوة الا بالله
على قولة شيخ شيرزاد متخلف عقليا ..
هذا المصري مطور يبى مكرفون بعد ههههههه احيدهم ينشون مره وحده وانا وانا وانا !!!
الله يهديه
اقول شيرزاد منو ؟هالاسم قديم مثل شهريار وشهرزاد ؟
هههههههههههههه كنت موجود
بصراحة شكله فراسه شي لان الشيخ قرا سورة الرحمن اخر ركعة وبعدها نش الولد والله اعلم انه الجني الي فراسه انتفض!!!
بس ياخي المصلين سوو حشره وازعجو الشيخ بعد ما خلص الصلاة
الله يعين الجميع ان شاء الله