السلام عليكم ورحمة الله وبركاته,
اخواني عيدكم امبارك وعساكم من عواده 
الصراحة انا اريد اتكلم بهالموضوع حتى ازيح من هم صابني بعد الي شفته في حديقة الهيلي هذه الحديقة الي كانت جزء من ذكريات جميلة في طفولتنا , رحتها اودي الصغارية ثاني ايام العيد وانصدمت لما دخلتها وكانت فاضية من الناس والالعاب الي كانت مسوية جو مثل قطار الموت والشاحوف والشواية والسنما المتحركة وغيرها من اروع الالعاب ماتشتغل الي يشوفها كانه يشوف سكراب وعليها لوح مكتوب عليها تحت الصيانة او مغلقة لا بعد فيه لوحة مكتوب عليها مغلق لاجل سلامة الزوار.
لا بعد تدفع قيمة التذكرة 20 درهم للي عمره اكبر من 5 سنين مع 20 نقطة تلعب فيها !!! تلعب فيها شو ما ادري.
والي يقهرك اكثر اكشاك صوب واربح او ارمي واكسب لا بعد يغثوك من كثر مايزقرونك وتلقى بعد محل للشيلة والعباية ما ادري هو سوق او حديقة وبعد محلات عطور .
والله العظيم اتمنى انها ترجع الهيلي لسابق عهدها بمهرجاناتها والعابها وفرحتها لان العين احلى مدينة ولو فتحو في باقي الامارات مليون حديقة العاب تبقى الهيلي احلى حديقة واحلى مكان. (لاحد يزعل وجهة نظر 
)
والسموحة
هيييه والله ..
احيد أيام الثانوية في راس الخيمة يوم يودونا الهيلي انطير من الفرحة .. احلى مكان ..
والحين عاد مانسمع عنها شي
هيه والله صدقك كنا نستانس كل عيد انسيرها ما عدنا غيرها و ابوية فديته كان يودينا كنا انسير ثلاث والا اربع سايير بتقول مسيرة والله وناسة ايام حلووووووووووووه مب احين ما انحس بالعيد
اتذكر اخر مره رحت هناك وكانت لي صور في حديقه الهيلي سنه 94 وكان كل مواطني الخليج يروحون هناك بس اتمنى انهم يهتمون فيها مثل ما يهتمون في الابراج والمشاريع العقاريه
حديقة العاب الهيلي انتهت صلاحيتها من زمان
والالعاب اكثر من 4 سنين وهي صيانه
لا اهتمام ولا شي
الله يرحم ايام مهرجان الربيع والفعاليات الشيقة
كان من افضل المهرجانات بالدولة
اللي يقول زحمه امس ما يعرف ان الزحمه من الهنود القادمين من دبي والشارقة
في نظري حديقة الهيلي يبالها هدم واعادة بناها من جديد وياليت لو يسلمونا شركة عالميه بدال البلدية اللي ما عندها شي تسوي
لو يهتمون منها بس شوي بتكون احلى حديقه في الدوله .. مثل ما اهتموا من حديقة الحيوانات كانت بعد ولا شي والحين ما شاء الله جيده
ويييييه
انا سرت في 2004 ,,
وكانت الالعاب نفسها هذي تحت الصيانة