السلام عليكم ورحمة الله وبركاته,

اخواني عيدكم امبارك وعساكم من عواده

الصراحة انا اريد اتكلم بهالموضوع حتى ازيح من هم صابني بعد الي شفته في حديقة الهيلي هذه الحديقة الي كانت جزء من ذكريات جميلة في طفولتنا , رحتها اودي الصغارية ثاني ايام العيد وانصدمت لما دخلتها وكانت فاضية من الناس والالعاب الي كانت مسوية جو مثل قطار الموت والشاحوف والشواية والسنما المتحركة وغيرها من اروع الالعاب ماتشتغل الي يشوفها كانه يشوف سكراب وعليها لوح مكتوب عليها تحت الصيانة او مغلقة لا بعد فيه لوحة مكتوب عليها مغلق لاجل سلامة الزوار.
لا بعد تدفع قيمة التذكرة 20 درهم للي عمره اكبر من 5 سنين مع 20 نقطة تلعب فيها !!! تلعب فيها شو ما ادري.
والي يقهرك اكثر اكشاك صوب واربح او ارمي واكسب لا بعد يغثوك من كثر مايزقرونك وتلقى بعد محل للشيلة والعباية ما ادري هو سوق او حديقة وبعد محلات عطور .
والله العظيم اتمنى انها ترجع الهيلي لسابق عهدها بمهرجاناتها والعابها وفرحتها لان العين احلى مدينة ولو فتحو في باقي الامارات مليون حديقة العاب تبقى الهيلي احلى حديقة واحلى مكان. (لاحد يزعل وجهة نظر )

والسموحة

32 thoughts on “حديقة العاب الهيلي”

  1. ذكريات السيكل ابو 4 تواير

    والشل على تايرين هههههه

    اخر شي ندفع غرامة خخخخخخخ

    الله يعيد هاذيج الايام

  2. نحن اول أمس كنا في العين وكنا مترددين نروح الهيلي ولا لا

    بس زين مارحنا لفينا الاماكن الثانيه

    احيد من ثلاث سنوات نفس الشي نص الالعاب تحت الصيانه

  3. ياريال هالحديقه الحين ماتحصل الا هالبتان والهنود اول كانت وجهة اهل الشرق الاوسط يميع وين اول وكيف كانت وكيف سارت بس انا سمعت او قرات انه بيطوروها لكن مادري لين احين ماشفنا شي
    وتقبلو مروري مع جزيل الشكر لطارح الموضوع

  4. مهرجان الربيع كان شي مميز جداً في الإمارات

    وكانت زحمتها مواطنين ودول مجلس التعاون فقط !! بس الحين لا اهتمام ولا شي .. وزحمتها هنوووووود !!

    أتذكر الحفلات الغنائية في الإمارات ما يسوونها إلا في مهرجان الربيع في حديقة هيلي !!

    أحلى أيامها في التسعينات ..

    أتمنى يهتمون فيها .. اليهال يحبون الألعاب .. والحين ماشي غير الكمبيوتر والبلاي ستيشن بس !!

  5. السلام عليكم ..

    تام فتحتم هالموضوع الطيب .. جزاكم الله خير بس لو نذكر القراء ليش نبغى نجدد الحديقه :

    إذا تجددت الحديقه لو بختار للأهل أو العيال مكان أكيد بروح الهيلي بس بمجرد أني عرفت أنها تجددت وأن ذكرياتي فيها وأن وأن وأن وايد أشياء والله بس شوفو شو بيسير فالمدينه أقتصاديا” .. مثل: إذا بروح أكيدأكثر من سياره وأكيد بدورلي حجز فندق .. إذا أنا حجزت وغيري حجز والي يبغى ياكل من المطعم والي يبغى من الدكان والي يبغى يروح المول بعد والي والي وايد أشياء ترفع من مستوى هالمدينه أقتصاديا” وأجتماعيا”.

    .. السموحه ..

    وشكرا” لصاحب الموضوع..

Comments are closed.