السلام عليكم ورحمة الله وبركاته,
اخواني عيدكم امبارك وعساكم من عواده 
الصراحة انا اريد اتكلم بهالموضوع حتى ازيح من هم صابني بعد الي شفته في حديقة الهيلي هذه الحديقة الي كانت جزء من ذكريات جميلة في طفولتنا , رحتها اودي الصغارية ثاني ايام العيد وانصدمت لما دخلتها وكانت فاضية من الناس والالعاب الي كانت مسوية جو مثل قطار الموت والشاحوف والشواية والسنما المتحركة وغيرها من اروع الالعاب ماتشتغل الي يشوفها كانه يشوف سكراب وعليها لوح مكتوب عليها تحت الصيانة او مغلقة لا بعد فيه لوحة مكتوب عليها مغلق لاجل سلامة الزوار.
لا بعد تدفع قيمة التذكرة 20 درهم للي عمره اكبر من 5 سنين مع 20 نقطة تلعب فيها !!! تلعب فيها شو ما ادري.
والي يقهرك اكثر اكشاك صوب واربح او ارمي واكسب لا بعد يغثوك من كثر مايزقرونك وتلقى بعد محل للشيلة والعباية ما ادري هو سوق او حديقة وبعد محلات عطور .
والله العظيم اتمنى انها ترجع الهيلي لسابق عهدها بمهرجاناتها والعابها وفرحتها لان العين احلى مدينة ولو فتحو في باقي الامارات مليون حديقة العاب تبقى الهيلي احلى حديقة واحلى مكان. (لاحد يزعل وجهة نظر 
)
والسموحة
يالله يوم اسمع طاري الهيلي والله ايذكرني بايام حلوه ..انا من زمان ما سرتها ولا ادري شو صار فيها…
يوم بيخلصون من الجزر والمشاريع العملاقه
بيتفيجولكم ان شاء الله
يايماعه صدقوني بعد كم سنه بتتعذرون عن
الحديقه
المشاريع الغير معلنا لاتصدق
بتكون هيلي ولا في الخيال الاوربي والامريكي
هيلي يبغونها تكون اجمل حديقه في العالم
يعني مب في المنطقه
وهذي التصورات يبالها كم سنه
حتا يوم تكون في الواقع يتكلم عنها سكان العالم
مب اهل المنطقه فقط
والله يبعد الحساد
للاسف الشديد اصبحت الحديقة شبه مهجورة
وانا اتمنى ان البلدية تؤجر الحديقة للشركات الكبيرة
حتى يهتمون بها وصراحة ترد مثل قبل اللي كانت من احسن الحدائق عندنا
صدقت أخوي
لها ذكريات حلوة
كل ما أمر حذال الحديقه أتنهد تنهيده و أتذكر أيام المهرجانات و الزحمه و الوناسه و كل شوي كنا نسويه ..
بس أنا ما تحسفت واااايد واااايد لأني أنا ما ألعب وايد في ألعاب الحديقه لأني خواف خخخخ بس ألعب سيارات واربط حزام الأمان بعد ههههه