السلام عليكم ورحمة الله وبركاته,
اخواني عيدكم امبارك وعساكم من عواده 
الصراحة انا اريد اتكلم بهالموضوع حتى ازيح من هم صابني بعد الي شفته في حديقة الهيلي هذه الحديقة الي كانت جزء من ذكريات جميلة في طفولتنا , رحتها اودي الصغارية ثاني ايام العيد وانصدمت لما دخلتها وكانت فاضية من الناس والالعاب الي كانت مسوية جو مثل قطار الموت والشاحوف والشواية والسنما المتحركة وغيرها من اروع الالعاب ماتشتغل الي يشوفها كانه يشوف سكراب وعليها لوح مكتوب عليها تحت الصيانة او مغلقة لا بعد فيه لوحة مكتوب عليها مغلق لاجل سلامة الزوار.
لا بعد تدفع قيمة التذكرة 20 درهم للي عمره اكبر من 5 سنين مع 20 نقطة تلعب فيها !!! تلعب فيها شو ما ادري.
والي يقهرك اكثر اكشاك صوب واربح او ارمي واكسب لا بعد يغثوك من كثر مايزقرونك وتلقى بعد محل للشيلة والعباية ما ادري هو سوق او حديقة وبعد محلات عطور .
والله العظيم اتمنى انها ترجع الهيلي لسابق عهدها بمهرجاناتها والعابها وفرحتها لان العين احلى مدينة ولو فتحو في باقي الامارات مليون حديقة العاب تبقى الهيلي احلى حديقة واحلى مكان. (لاحد يزعل وجهة نظر 
)
والسموحة
اخوي فتى الصحراء
الحديقة صارت للهنود انا من العين ورحت وديت العيال ثاني يوم العيد متروسة ومليانة كلها هنود صارت ملهى للهنود
شباك التذاكر البوابة الرئيسية ماتقدر تقص تذكرة بسبت الهنود لازم تروح بوابة التزلج وهناك تروم تدخل بدون زحمة
والبلدية مهلمة الحديقة
يمكن عندهم شغل واااااايد
والله إذا الترتيب بهالطريقه، فـ بيكون شي طيب.
اصبرو على العين فقط 4 سنوات وبتشوفون العجب والي ما لحق من هل الشمال فرصته الحينه على الاقل يتملك بيت للأسترخاء والهدواء وشم الهواء النقي بين الاغصان الفارعة والاراضي الفسيحة والشوارع الفاضية ( نغزة هاي )
ارباب
تسلمون ع الأخبار الحلــــــــوة
فرحتونا =)
كفيت ووفيت الغالي .. وحاب ااضيف معلومه بانه سيبدأ تنفيذ المشروع في وسط سنة 2009 .. وتم ايضا تخصيص قيمة كبيرة للمشروع من هئية السياحة وتقدر بـــ 2. 1 مليار درهم !!
والحين المشروع تحت الدراسة وقابل للتجديد والتعديل حتى يتم التوقيع عليه بشكل نهائي .. وايضا تقدمت شركة استرالية لتشغبل وتطوير حديقة الهيلي ..