السلام عليكم
أنا بشتري رنج سبورت موديل 2006 عن طريق معرض الأميره (في بوظبي)
الرنج هذا يطولي بعماركم يايبينه من قطر…. و الصيانه عند الطاير لمدة 3 سنوات او 100000 كيلو بس
و بعد ماينتهي الضمان عند الطاير… معرض الاميره قال انا بتكفل بصيانة الموتر للفتره الباقيه …يعني لين يكمل 5 سنوات و مفتوح الكيلو
مع العلم انه السعر فنان
شو رايكم؟؟
أنا صراحه محتار
وايدين شباب اعرفهم تعاملوا عند الاميره وما شاء الله عليهم قول وفعل
بس مثل ما قالوا الشباب اتأكد احسن وخلك هالايام على الشي الرسمي
خبرتي معاهم زينة لكن الأحتياط واجب …أكتب عقد واضح معاهم يتضمن مسئوليتهم عن الصيانة
العقد شريعة المتعاقدين. وكل ضمان مكتوب يتكفل به صاحب الضمان. وكل كلمة فب الهواء يشله الهواء ويطير.
دامه مكتوب والمعرض موجود إنته بخير. وإن طار المعرض، الضمان يطير وياه.
والسموحة من صاحب المعرض.
الشباب اوكيه انا اعرفهم ,,
لكن انت كأنك تشتري سمك في البحر ,, الموتر اذا عدا 100 الف كيلو
تأكد شو قوانينهم ,, الصيانه داخل الوكاله خارج الوكاله
الضمان يشمل كل قطع السياره المهمه ,, ولا جير ومكينه فقط !!
اذا بعت الموتر الضمان ينتقل للمستخدم الاخر ولا لا ؟
شو شروط الضمان !! تاكد من هل الاشياء عشان ما تطيح في وهقه انت ما تعرفها.
كم السعر ..