السلام عليكم اخواني وخواتي البارحه طبعن كان في حفل عند برج خليفه ملتقى طلاب العالم الصراحه عرض حلو وخصوصا الرجل العنكبوت كان يخوف ولكن عندي ملاحظه ماعرف لو انا روحي شفتها ولا حد يتفق وياي ؟؟ في بنت لابسه عباه وولد لابس كنتدوره يغنون راب ويترقصوون بالانجليزي على المسرح من وجهة نظري اشووف هالشي مب حلوه في حق لبسنا الوطني ك مواطنين ومواطنات ولو كان بدالها اليوله افضل…. ماعرف لو تتفقون وياي ولا تختلفوون وانتظر ردودكم …
عادي وانا اخوك
نحن نرمس عربي ومكان عربي بس اميلتنا 80 % انجليزي
بس اتذكر في المقابله خلوني ارمس شوية إنجليزي وسألوني شو من لغات الثانية اللي اعرفها
خبرتهم افريقي، ياباني وشوية الماني
بس ما استفدت ما في حد يرمس فيهم هاهاها
بس الحين صارة اللغة الثانية الأولى هي إنجليزي لانه تواصلنا مع الجهات الخارجية متنوع فنهم مايعرفون وايد عربي او انه لغتهم في التعبير قوية
ياخي من زمان يسوا ها الحركات .انا من عشر سنوات اذكر كلية التقنية مسوين احتفال على كورنيش بوظبي والشباب يالسين يغنوا اغاني باك ستريت بويز بكندورة ويوم سوينالهم حشرة يانا مواطن وقالنا شباب لو مب عاجبكم روحوا!!!!
بس صراحة كلامك صحيح المفروظ واحد من الاثنين, يوله بالزي الوطني. واذا يبون راب وهيب هوب يلبسوا لبسهم ويفكونا من عقدة انفصام الشخصية هذي!!!
اوكي اختي اللغه مافي مشكله ونتوقع هالسوالف اما انه وحده بعباه وواحد بكندوره ويترقص راب جدام العالم والفضائيات ويمثل الامارات اونه لا والله مابسكت ولا بعتبره شي عادي وشاكر لكم تواصلكم
.
.
.
شي مؤســــــــف جداً
يا ريال خلها على ربك اللغة الإنجليزية في أغلب الدواير الحكومية صاروا يعتبرونها هي ( اللغة الأم ) ويقولون لك يوم تقدم على وظيفة أو شيء شو لغتك الثانية ولازم تكون ( فرنسية / ألمانية / هندية / صينية / غيرها )، فلا تستغرب عقب خمس سنوات أو أكثر تشوف إلي شفته أمس على المسرح وقد صارت ثقافة أهل الإمارات والعباية والكندورة وجودها في المتحف فقط لا غير، أنا عن نفسي صرت أتوقع كل شيء عسب جيه إشارة الإستغراب ما عدت أستخدمها
.