السلام عليكم ،،،
واحد من الاهل ناوي يشتري لكزس 460 لارج موديل 2007 من امريكا من سعود البكر
وسعرها مع الجمارك ب 165 الف ،، وكلم سعود وقال السيارة نظيفة ،، ومن غير الجمارك ب 140 الف درهم
شور رايكم يشتريهاولا لا؟
يا حبيبي مب سالفة دفاع ولا غيره احين راعي الموضوع سال حد طلب ولالا عفدو ثلاثه اربعه قالو والله انه غشاش والله غش ناس وااايد هههههه ليش انزين مب دفاع ولا شياته وبعدين لا هو بمنكر ولا شي انته تتكلم في سالفة ونحن فسالفة احين شو يخص مكتب رعايه ساحل عمان واعصار كاترينا ودخلنا المجال السياسي والكوارث الطبيعية نحن نتكلم عن ريال اييب سيارات من برع ههههههه هل فيها خراب ولالا وبعدين ياخي انته اتقول سعود البكر ياب سيارات عطلانه وماياب شي صاحي بقولك شي اذا سعود البكر ياب سيارات عطلانه على قولتك جان بجوف معظم السيارات اللي يابها خراب وبعدين انا اعرف كذا واحد يابو من عنده مواتر تقريبا ست او سبع مواتر والحمدلله ما يشكون الباس وانته عافد علينا اتقول سعود البكر وبعدين اسمعني بقولك شي السياره انته اللي اخترته من الموقع سعود ما قالك تعال ببيعلك سياره يوم انت بتتصل به بيقولك ادخل على اوتوتريدر واختار لك سياره وعطني السيريال نمبر ماله والمعارض ترى اييبون من الاوتوتريدر صح ولالا اش معناته سيايير المعارض مافيهم خراب وسيايير سعود البكر فيها خراب والكلام الزايد ما منه فايد اونه منكر ويور ومنكر ويور ومناك مب فاهم السالفه وقاعد اتهزأ فالريال >………
نعم انه منكر و يور ماريناه عند العرب بعد 
شو رايك انته عاد لوول
ليش اتهزا فيه؟ ما يحتاي، ادعيله احسن وادعيلكم ان الله يحفظكم من مكاتب رعايه المصا،،،،،، امين
ولا فيه انسان عاقل هالزمان يشتري شي بدون ضمان؟؟ صدق ماترتاحون لين حد ياخذ فلوسكم، ولا تقولي انا حر ومادري شوه لاني اعرف انك حر، بس اذا عندك حكمه من ورا هالشي قولها يمكن الناس تستفيد. ولا لا تتفلسف وانته ماتعرف الريال، اذا انته سلمت غيرك ما سلم منه.
ويبقى السؤال عالقا من غير جواب, حتى من زبائن سعود: “لماذا تم طرده, اذا كان حاله مثل ما تصفون”؟؟
يعطيكم العافية اخواني .. ويزاكم الله خير
ومادام الريال تمدح هالكثر وتوصي بالتعامل وياه، اطلب من الاداره ترجعه لانه حرام مثل هالريال الي فيه خير هالكثر يمنع من المشاركه، لانك بكل بساطه تقول انته صح والاداره غلط
اذا تبا تكمل بكمل ما عندي مشكله، بس لا انا و الاعضاء غيري ولا الاداره المحترمه بتسمح لكل من هب ودب انه يغطي على حد ضرره اكثرمن نفعه،
الواحد يوم ما يعرف يرمس بعقل يقوم يصيح الاداره الاداره،
يا اخوان الله يهدينا ويهديكم، انتو تعرفون شي كامل فالدنيا غير الله سبحانه؟؟ ليش يوم ريال يطلب استفسار محد يعطيه جواب كامل، لازم امدحه واسكت او اذمه واسكت؟؟
انا تعلمت شي حلو من الانترنت، اذا حبيت اعرف عن اي شي اكتب اسمه في جوجل و بعدين مسافه وبعدين review، يعطيني مواقع تقولي هالشي زين بس فيه الحاجه الفلانيه مب زينه، يعني مميزات وسلبيات،
الواحد يثمن كلامه يوم يعطيه للناس، ولا ما انتشرو نصابين امثال اصحاب المحافظ المقبوض عليهم الا لان فيه ناس مدحتهم بدون ما تقول سلبياتهم صدقت الناس واتعاملت معاهم،
الريال والنعم فيه لاني طرشتله فلوس بدون ضمان، اي قانون يقول انك صح في تصرفك؟؟
اذا انته غلطان وتغامر لا تشجع غيرك على الغلط، يمكن عادي عندك لو مارجعن فلوسك. بس غيرك محتاج.
اذا بتتكلم بعقل حياك الله، ولا اسمحلي ياخوي اصبح الموضوع ممل ماشي فايده.
انا قلتله انته غلطان، ما اترياك تقول،
اذا انته تقول عنه نصاب وحرامي، فهذا يخصك اقرا مشاركاتي، انا ماتهمته بكلماتك هاي،
وانا هنيه مثلي مثلك، الله يخلي المنتدى،
ولا انا اشهر فيه ليش؟؟ الريال اشهر من نار على علم في الانترنت ومجلات السيارات، اسآل اي حد من الشباب تلاقيه سمع عنه، فلا تستخدم كلمات انته ماتعرف معناها،
مراقب وملا انك مدير عام المنتدى عسب انك اتعرف ليش انطرد او ليش ردوه < <<<<يا مشرفين جوفولنا حل ويا هالاعضاء اللي يجوفون اعمارهم رؤساء المنتدى شو هالكلام، والله عيب، الاختلاف في الرآي لا يفسد في الود قضيه
ويبقى السؤال عالقا: “لماذا تم طرد سعود اذا كان حاله مثل ما تصفون”؟؟
هذا السؤال طرحته، ولا حد قدر يجاوب عليه، يمكن صعب عليكم،
دمتم ذخرا للامه والوطن