حد طلب من سعود البكر؟

51 thoughts on “حد طلب من سعود البكر؟”

1. السلام عليكم ورحمة الله

   كلمة الحق تنقال

   انا اشتريت سياره عن طريق سعود البكر بدون ضمان والصراحه الريال في الامانه ماعليه كلام رجل امين بمعنى الكلمه

   وطبعا الي وياه سليمان شروف بعد رجل ونعم فيه

   والحين اخوه ناصر البكر موجود اذا تبا ضمان اخوه يعطيك اتفاقيه وعقد على السياره

   وكنت بشتري سياره ثانيه وغيرت رايي وقلتلهم ردو البيزات وردوهن دايركت

2. يا جماعه الخير حد قال ان الريال يسرق الفلوس وما يطرش سيارات؟؟؟؟؟

   الي اقوله انك يوم اول شي اطرشله 400 دولار مالت الفحص، فهو يقول انه يطرش حد لين مكان السياره فاي ولايه ويفحصها لا ويتصلبك من هناك ويقولك انا واقف جدام السياره شو تبا تعرف، بس الواقع مع تجارب الناس اثبتت انه يكتفي بلاصور الي عالنت و تقارير كارفاكس الي انا وانته من هنيه نقدر انشيك عليها،

   هل معناته كل سياراته ما يفحصهن ولا كلهن غرقانات؟؟؟ والله مادري انته تكفيك تجربه وحده عشان تعرف منو هو. واعتقد في حاله سعود كثير من الناس ما حصلو السياره الي انوعدو فيها، لا من المواصفات لا من النظافه.

   هاذي نقطه

   ثاني شي الاخوان الي قالو انهم اشترو من سعود، اذا انته بطرش فلوس حق واحد في امريكا بدون ضمان وبدون ما تعاين البضاعه بس لانك طيب وتثق فالريال هاي مشكلتك، لان هالشي غلط ماتقدر تعممه عالناس، ولا المال السايب يعلم الصرقه، وشرعا وقانونا مطلوب التوثيق يوم تشتري وتبيع، ولا انا غلطان؟ ولا لازم تعض اصابع الندم يوم بيلبسك ومابيرد عليك؟؟؟ (حلوه اصابع الندم هاي)

   وبعدين يوم انكم اشتريتو منه وصلت السياره، هيه بس سلم واستلم؟؟؟ فيه شي اسمه اخلاق التاجر ، اقرا ردوده في المتدى وبتشوف، عن شو اتكلم،

   عالعموم الانسان على نفسه بصيره، بل فلوسك ياخوي واشرب ماها، ولا احرقها ولا طرشها حق سعود

   كله عند العرب صابون

   ودمتم ذخرا للامه والوطن،،،،

3. السلام علي الجميييع انا ماخذ عند سعوود البكر بعد مب سعووود شريييكه سليمان بصراحه ماكنت اعرفه والله وحولتله فلوووس من دوون اوراق ولا سند قبض ولا طرح ياجماعه الريال الامييين ينعرف من صوووته ال 10000 دولار ولي 50000 الف دولار لابيغننه ولا بيفقرنك الحلال معروووف والحرام معرووف لازم الواحد يستفييد مافيها شي الريال يقدم خدمه اذا اترييد ادفع اذا ماترييد المعارض مش من قلهن والسموووووحه من الجميييييع

4. ولد خالي ماخذ من عنده موتر قبل !!

   والموتر للحين يستخدمه !

   انا بعد اشوف الغلط مب من سعود

   الريال اييب سياره من برع انته مخترنها من النت .. وهي معروضه جدام الخلق كلهم

   هو يستلم الفلوس ويفحصها ” لك ” وطلعت زينه السياره .. وطرش لك اوراق الفحص انها زينه ..وشغاله .. ويوم وصلت البلاد واستلمتها .. طلع فيها عطل .. هو شو ذنبه ..

   سوا الي عليه وفحصها ويابها لك في البلاد !!

   بصراحه انا ماشوفه ذنب الريال .. سعود سوا الي عليه وبس

   هذا في اختيارك انته ..

   انته الي مختار السياره وانته المسؤول مب هو !!

   ودام اعصار كاترينا وخايفين السياره يطلع فيها شي

   روح واشتر من البلاد محد جبرك وضربك على ايدك وقالك اشتر من برع

   ويوم يوصلكم الموتر تقولين فيه وفيه وفيه

   والله مايعجبكم شي =)

5. يا جماعة الخير لحد يغلط عالريال ويقول غشاش ومادري شو الريال حر بتجارته اللي يبي يشتري منعنده يشتري والللي ما يبي يشتري برايه وثاني شي في زباين اتعرفون ما يعيبهم العيب ولا الصيام برجب يعني يخلي الريال يدفع وييب السياره من برع واخر شي يقوله الزبون والله السياره ماباها هو اللي عليه يسويه يفحصه واييب لك الاوراق وبعدين لاتنسى انك انته اللي وافقت عالسياره وانته اتعرف انه السيايير الايمريكيه اكثرها فيها عيوب ليش الغلط يعني الواحد مهما يكون ما يرضى بالغلط لو شو كان الريال لاتحمل ع ظهرك اثم لانه مب من حق اي واحد يقول انه غشاش مع اني ما اعرف الريال بس اقوله كفو عليك وثالث شي كلكم طايحين عالريال اييب سيايير خربانه وعطلانه ونسيتو المعارض؟؟^_^ ها تراه ولد البلاد واتمنى المعلومه وصلت لبعض الاخوة رجاءا ترى كلنا اخوان واللي يغش ترى الله يحاسبه هب احن الله يحفظكم اخواني والسموحه

   صدقك الريال كفو ونعم ومافيه حيله ويستاهل البيرق بعد لو شي بيرق فالمنتدى، بس يمكن اداره المنتدى واعضاء المنتدى غفلو عن شي انته انتبهتله، عشان جيه قامو بطرده،

   شو رايك يردونه مره ثانيه ويخلونه مشرف قسم السيارات بعد !!!

   اما منكر ويور !!!!

   مادري ليش يوم ماتعرف الريال وشو مسوي يالس ادافع عنه،
   ومنو قالك ان الي يحذر الناس من افعال انسان ياخذ اثم!!!!

   المعارض يا طيب القلب بينك وبينهم عقد وضمانات وشرطه وسمعه، اما هذا الانسان فهو منتخب نفسه ومشغول في امريكا باداره مكتب رعايه مصالح ساحل عمان و الامارات المتصالحه والجزيره العربيه، يوم ما بتعجبك السياره الي دفعت عليها كاش، وين بتوديها؟؟

   اكيد بتسوي مثله وبتبيعها على اخوك المواطن وبدون ماتقوله طبعا انها حازت المركز الاول للمشاركه في الاعاصير في كاترينا ولا السياره مكنسله ومصلحه،

   كلنا نعرف ناس في امريكا ومعارض هنيه للسيارات لا يجذبون عليك ولا يغشونك ومع هذا ما صدعو رووس الخلايق باعلاناتهم الي يكتبونها بخط قياس 72″ حتى العور يقراه ، ومع هذا بعد يبيعون اضعاف اللي يبيعه موكلكم المحترم،

   كل شوي طالعلنا واحد ما يعرفه و يدافع عنه، اول هاتلي واحد اشترى منه ومدحه واحد بس واحد بس واحد بس بعدين قولي ان عشرات الاعضاء غلطانين.

   ماشالله عليك، !!!!!!!!

   اما منكر ويور ،،،،،،،،، وسلمتو

Comments are closed.