حد ظهر مرة على التلفزيون ؟؟ انا ظهرت

39 thoughts on “حد ظهر مرة على التلفزيون ؟؟ انا ظهرت”

1. على قناة بوظبي لو حد يذكر اذان العصر قبل 7 سنوات تقريبا

   التصوير كان في عام 1994 في كرسيدا ذهبية تطلع كان ها موتر الوالد

   يرحم ايام قبل …

2. انا اشتركت في مسابقاتمعلومات عامة و ربحت في تلفزيون دبي من سنة و هاي الوحيدة

3. طلعت يوم كنت ياهل فبرنامج مسابقات .. بس سالفة استوت ..

   كنا سايرين السوق ويا قوم ماماتي .. وفجاة هالمذيع طلع لنا .. ويبى يسالني .. وعاد انا تميت اصيح واقول ما ابى وهو يبى يسولف يعرف اسمي .. وانا تميت اصيح على شو مدري ههههه كنت بيبي توني صف اول …

   انخشيت ورى عباة اماية .. وهم يبون يسالوني وانا ماشي زعلانة ..

   اخر شي عطوني عروسة حلوة وسالو باباتي وروحو ههههه ..

   المشكلة ظهروني يوم اصيح عالبرنامج لووووووول ههههه

   بس احينه .. يوم كبرنا .. ولا مرة ما احيد طلعت ..

   تسلم عالموضوع الحلو ^^

4. طلعت يوم كنت صغيره أيام المدارس كنت اشارك في الاحتفالات الوطنية وكله يختاروني انا
   علموها الرقص والغنى طلعت البنت فنانه

   اذكر مرة كنت في معرض التوظيف شافني مذيع في اخبار الامارات قالي ممكن اسوي وياج مقابله وانا رفضت احس انه ماله داعي لا من عاداتنا ولا من تقاليدنا

5. سووا وياييه مقابلتين.

   الأولى،
   كنت داعم شاحنه على خط الذيد في سنة 1995.
   وفد التلفزيون كان ياي من الذيد لأنه مغطي حدث من الأحداث هناك، فلقى الحادث الأليم و سووا وياييه المقابله. أسميني سبيت الهندي سب، بس ما أظن عرضوا السب.

   الثانيه،
   قبل كم شهر. كنت في جمعية بوظبي التعاونيه اللي في ابوظبي مول ويا عيالي، فـ ياني واحد و قالي إنه يبا يسأل كم سؤال عن ثقافة الشراء و إنه دوّر في الجمعيه كلها عن مواطن واحد عشان يسوّي وياه المقابله و ما لقى غيري. طبعا تمنعت في البدايه (يتمنعن و هن الراغبات ) و عقبها يت الشله كلها عشان تقنعني بالمقابله و وافقت.

   بس ما شفت المقابلتين بصراحه، لأني نادرا ما أشوف التلفزيون.

Comments are closed.