بسم الله الرحمن الرحيم
السلام عليكم ورحمة الله و بركاته
اخواني و خواتي . انا ودي اتخبر عن شي . ما ادري هالشي موجود
ولا انا اهوجس ؟!
طبعن اليوم 5 مارس يعني طاف على اول الشهر 5 ايام
تاريخ 2 رحت لوحده من جمعيات ابوظبي اخذ اغراض ومنها الدجاج
انا العادة افضل اخذ الدجاج الطازج و ما تفرق وياي فالعادة الشركة .
فالجمعية رحت لقسم الدجاج . ما لقيت اي نوع منها موجود قلت اكيد اول الشهر و الناس زحمه
اخذت كل الاغراض الي محتاجها و اخرت الدجاج
بعدها بيوم مريت كارفور في بوظبي الظهر الساعه 12 قلت اخذ الدجاج من هناك
ما لقيت ولا حبه . مافي الي دجاج مثلج ؟!
تعوذت من الشيطان قلت اكيد انا اوسوس . رحت اللولو سنتر فالوحده مول . ما لقيت ولا حبة
يوم تخبرتهم بعضهم ما يدري و واحد منهم قال ( ما يجي اليوم )
حد لاحظ الشي هذا ولا بس انا وهل هاذي حركة عشان يرفعون سعره؟!
صباح الورد يا ورد
عندنا هني فالكارفور لا تسير الظهر عسب دياي .. اغبش من وقت ساعه 8 عسب تحصل العمله الذهبيه = الدياي
اول مايفتح باب الكارفور الصبح شو الهجوم الي يصير .. جوي بري بحري
وعاده ياريت لو كل واحد ياخذ كرتون .. يحملون 5 كراتين وفوق ويفضون الثلاجه
==========
لاتعب نفسك ولا تحتار
سير المينا وشتري دياي
الدجاج الطازج فيه شحة من كم يوم يعني يجي اول النهار ويخلص يمكن المزارع فيها مرض او قلة بالإنتاج بس هذا الامر صارله فترة
نصيحتي لك ان تكون نباتي لان الدجاج مؤذي للكلية جدا
موفق بإذن الله … لك مني أجمل تحية .
اليوم أنا مشتري من اللولو
.
.
.
ما لاحظت والله لي فترة ماشريت أغراض البيت