شباب، لمبة الليت الوراني في الموتر إختربت. و بما إنها عباره عن ليتات صغااار من نوعية LED، سرت الوكاله عشان أشتريها.
قالولي هاللمبه ما تي بروحها، لازم تشتري الليت كاااامل.
قلتلهم ليش، أنا أبا اللمبه بس، و عطيتهم رقم القطعه بعد، قالولي والله هالقطعه ما تي بروحها.
و بما إني أعرف بأمور الكهربه، لقيت إن واحد من هالـLEDs خربان. يعني الشغله ما تكلف أكثر عن 5 دراهم.
كل اللي طالبنه منكم،
حد يعرف وين ينباعن؟
أذكر على أيام الدراسه كنت أشتري هالشغلات من محل صوب سوق السمج في دبي، بس الحين نسيت مكانه.
شي محل لقطع غيار الالكترونيات عندهم انواع الليد بس نسيت اسمه
أفا، ما هقيتها منك إنته بالذات.
القناص اللي مب مخلي سكه فـ الشارجه إلا و داشنها، ما يعرف وين يبيعون هالشغلات، إمف.
أنا أقول
” خف ريولك على البريك ” هههههههههه
بالتوفيق اخوي وان شاء الله تلقى حاجتك .. كان بودي افيدك لكني بهالسوالف صفر وعلى الشمال بعد هههههههه
صح، هذي إسمها LED بس اللي أنا أباها فيها 4 حدايد (أرجل) مب هنتين.
المحل اللي يبع هذيلا يبيع الثانيات.
مشكور أخوي على المساعده، شكلي بمر سوق الصين و بشوف شو عندهم.
تطري اللي مثل هذيل ؟
http://upload.wikimedia.org/wikipedi…/e/e8/LEDs.jpg
إذا تقصدهن سير السوق الصيني وخذ من اللمبات اللي ينباعن ويشتغلن عالبطاريات وفكهن في البيت وسولك عملية لحام صغيرة