شباب، لمبة الليت الوراني في الموتر إختربت. و بما إنها عباره عن ليتات صغااار من نوعية LED، سرت الوكاله عشان أشتريها.
قالولي هاللمبه ما تي بروحها، لازم تشتري الليت كاااامل.
قلتلهم ليش، أنا أبا اللمبه بس، و عطيتهم رقم القطعه بعد، قالولي والله هالقطعه ما تي بروحها.
و بما إني أعرف بأمور الكهربه، لقيت إن واحد من هالـLEDs خربان. يعني الشغله ما تكلف أكثر عن 5 دراهم.
كل اللي طالبنه منكم،
حد يعرف وين ينباعن؟
أذكر على أيام الدراسه كنت أشتري هالشغلات من محل صوب سوق السمج في دبي، بس الحين نسيت مكانه.
السلام عليكم
اخوي انا كانت ندي نفس المشكله ورحت اشترين Led ولحمته بروحي
بتحصل منه في سوق نايف خلف حديقه نايف وين ايبيعون دشات ورسيفرات وقطع غيار الكترونيه يمكن محل او محلين ايبيع اللي بو 4 حدايد وفيه احجام
متعني
بتحصله في
راديو شاك ….. شي محل في سيتي سنتر دبي
واذا في الشارجه . سير شارع العروبه وين مكان تصليح المسجلات… بتحصل محلات اتبيع قطع الالكترونيه..
تحياتي بالتوفيق ان شاء الله
شايف التقاطع اللي عند حياه ريجنسي؟؟؟ وانت ياي من صوب الممزر …
على يسارك محل كبير مكتوب عليه فواز الخطيب .. ادخل صوبه وهناك بتلاقي محلات زينه وايد
يعجبني فيك انك تحاول اتصلح الامور بنفسك بغض النظر عن الامور الماديه
اقووول
مره ثانيه اذا اخترب شي في سيارتي بيبها لك
منو فواز الخطيب بعد، جني قاري هالإسم على محل في الروله.
خخخخ
شكلي صدق بدفع أضعاف جيمة الليت كامل.
جرب روح فواز الخطيب … دبي