شباب، لمبة الليت الوراني في الموتر إختربت. و بما إنها عباره عن ليتات صغااار من نوعية LED، سرت الوكاله عشان أشتريها.
قالولي هاللمبه ما تي بروحها، لازم تشتري الليت كاااامل.
قلتلهم ليش، أنا أبا اللمبه بس، و عطيتهم رقم القطعه بعد، قالولي والله هالقطعه ما تي بروحها.
و بما إني أعرف بأمور الكهربه، لقيت إن واحد من هالـLEDs خربان. يعني الشغله ما تكلف أكثر عن 5 دراهم.
كل اللي طالبنه منكم،
حد يعرف وين ينباعن؟
أذكر على أيام الدراسه كنت أشتري هالشغلات من محل صوب سوق السمج في دبي، بس الحين نسيت مكانه.
مشكورييييييييين يا جماعة الخير و ما قصرتوا.
تمت بحمد الله عملية إستأصال الورم من اللليت و تركيب LED جديد في المكان المناسب.
و العمليه كلفت 4.5 دراهم فقط (غير شامله رسوم المواصلات).
و تمت التجربه بنجاح و الأمور طيبه.
شسوي ياخوي.
يالله، التكرار يعلم الشطار.
فضحتنا متعني ومتصرف .. حتى اللي في امريكا يوصفون لك المكان وانت للحين ما دليت
شو رايك اخذك المكان لو ما ادل؟
صح 100% وفي بعد تجهزات الشرق الاوسط في شارع المطينه
ما شاء الله،
الأخوان ما قصروا معاك.
عندك مكانين ممكن إتسير لهم.
1) الشعبية للالكترونيات مقابل مركز بخيت.
2) سوق نايف وين يبيعون دشات وهالسوالف (في فرع ثاني للشعبية للالكترونيات هناك).