السلام عليكم ورحمة الله وبركاته
كنا يالسين أنا ونسيبي .. وووصلته رسالة من شركة أبوظبي للخدمات المالية ونصها :
((( تحيطكم شركة ابوظبي للخدمات المالية الإسلامية علما أن شركتي آبار والدار العقارية قد حذفتا من قائمة الأسهم الشرعية .. !! )))
حد عنده علم ؟؟ او وصلته نفس الرسالة ؟؟ ولماذا ؟؟
أسمحلي يا أخي فراغ خلني أسألك وين كانو المفتين يوم كان سعر أبار على 4.9 . ولا يم كان سعره على 1.5
والحين يوم سعره على 3.4 ودخلة الحكومه بشركة أيبك تقول أنه حرام ….
هل أعتبر النصيحه الأن الموجهه لناس لوجه الله
يعطيك العاافيه اخ الفرااغ
وكلامك في محله
شو بيضر الشركة اذا تكلموا وانهم ما راح يسكتووون ..
انا كشركة وساطة مالية لي القرار الاول والاخير في تداول الشركات .. محد يقدر يجبرني على اني اتداول في شركة معينة غصب ؟؟
شركة ابوظبي للاوراق المالية لها حرية الامر انها توقف العمل في بيع وشراء شركة الدار وآبار محد يقدر يلوووومهااا .. لأنها شركة ملك نفسهااا موب ملك الدار ولا آبار ؟؟
فالتذهب الشركات الربوية إلى الجحيم ويذهب مالها سودا ..
انتوا يالسين تتكلمووون عن لجنة الافتاء في المصرف .. ويالسين ادارووون مصالحكم الشخصية واموالكم على حساب دينكم ..
والمفتيين ادرى بعمل الشركات اكثر منا .. وهم يعرفوووون كيف يفتووون .. موب عسب والله ينزلوووون السوق على قولة احد الاخوان
بدال ما تقول يزاهم الله خير يبووون مصلحتنااااا .. اتقول انبيع الكمية ولا ان زيدهااااا ؟؟؟
بعدين اذا زادت الكمية الي عندي وخسرت في السهم بتقول والله المفتييين هم السبب يالسين يطبلوووون عليناااا ونزلوووا السوق بعد الخبر ..
المسج واضح وماعليه غبار .. وبعث للاشخاص الي لهم حساب في الشركة للمصلحة العامة ..
الي حسابه موب في المصرف لا يعور راسه وهو يعرف الصح من الخطأ ويعرف الحلال من الحرام وكل من بينام في قبره .. والدين نصيحة
والله عجيب امر البعض .. بس يبووون حد يقص عليهم ويقووول لهم بكره بيع او بكرة اشتري وهم ولا دارين وين الله قاطهم بس جي حشرة مع الناس عيد اهم شي الفلووووس والبيزات اتيي له .. من وين وكيف موب مهم بس اهم شي فلوووووووووووووووس
سوف يسأل العبد يوم القيامة عن ماله كيف اكتسبه وفيما انفقه
والمفتيين في لجنة الافتاء يبوون يبرووون ذمتهم جدام رب العالمين .. وهذا شغلهم .. يا انك تتقبل النصيحة ولا اتم ساكت ولا تعلق بكلام ماله معنى ..
والسلام عليكم
هاي غلطة كبيرة من الشركة.. و ماعتقد الدار و آبار بيسكتون… و أتوقع الشخص المسؤول عن هالمسج بيتحاسب عما قريب..