حذف الملفات المفتوحه

السلام عليكم و رحمة الله و بركاته

أنا يا جماعة الخير عندي مشكله في كمبيوتري و مب عارف أتخلّص منها.

المشكله بإختصار إني أعاني من شغلتين:

الأولى، يوم أبغي أحذف بعض الملفات، تييني رساله تقول إن الملف مستخدم حاليا بواسطة برنامج معين. مع العلم إن هالملف قديم جدا و مستحيل يكون مفتوح من أي برنامج. أعتقد إنه معلّق.

الثانيه، كنت أستخدم برنامج سابقا فكرته نفس فكرة الـ torrent، و في بعض الأحيان تكون أسماء الملفات اللي تنزل طويله جدا. وقتها، الملف ما يطيع يفتح ولا يطيع ينحذف، حتى تغيير الإسم غير ممكن. بإختصار، الملف موجود مثل قلته.

السؤال،
كيف أقدر أحذف هالفايلات ؟
لا تقولولي فرمت الدسك، لأن هذا مب حل بصراحه.

ملاحظه،
اللي أعرفه، إن في سوبر يوزر إسمه administrator لـ أي كمبيوتر. و هاليوزر يقدر يلغي أي ملف من الإندكس، و بالتالي لو حتى كان مستخدم من برنامج ثاني، بيقدر يحذفه. بس أنا ما عندي الباسورد، حد يعرف شو هو الباسورد بالعاده ؟