بسم الله الرحمن الرحيم
احم، احم،
إدارة المنتدى قامت مشكوره و تفضلت على روسنا من فوق و حطت بعض المزايا الجديده في الملف الشخصي لكل عضو. << مع إنها موجوده في باقي المنتديات من زمان، بس لازم نمدح الإداره و نسوّي بوليش شويه. 
المهم،
يا جماعة الخير أنا ملاحظ حركه أرعى هاليومين.
خلق الله تدش ملفي بدون علمي، و هذا شيء لا يقبله عقل ولا منطق.كما أنه يتنافى و مبدأ الشفافيه و الإفصاح عن الأرباح اللي تم الإتفاق عليه مؤخرا. << اللي يسمع بملفك يقول ملف الجزر الثلاث.
عيل جان ريتوا إنتوا،
عدد المشاهدات في الأميات و يوم تشوف الأعضاء الزوار تلقاهم ثنينه ثلاثه !!!
ما إختلفنا، الواحد منهم عن 100، بس مب لين هالحد.
و على هذا الأساس، أخوكم قام بجوله (يعني رحله، لأن الكلمه لها معنا ثاني و هو الغاز القديم )، في ملفات الأعضاء، لقيتها نفس الشي. البورصه وحليله واصلتنه 120 زياره، و الأعضاء 2 فقط.
اللي يضحكني إن مضارب مغامر كان حاطنه في قائمة الأصدقاء، بس إسمه مب مبيّن. الحبيب سوّا “خروج” و دش عالملف و عقب عرض عليه الصداقه.
لذلك، و للقبض على هؤلاء اللصوص المتلصوصيييين، أطالب الإداره إنها ما تخلي الإتطلاع على الملفات الشخصيه إلا من الأعضاء (مثل ما كان متّبع سابقا). 
و ويلك ياللي تعادينا يا ويلك ويل.
ملاحظه،
اللي عنده كلمه في خاطره خارج النص، يحطها. و إحنا بنرد عليه.
حتى أنت يا بروتس تغني على سحلول وأيام سحلول!!!!!
وسحلول بعده في سويسرا!!!
هههههه
مايحتاي يبوك الا ملفك شو بيستوي يعني هههه
عيبني موضوعك خخخ
ويلك ياللي تعادينا يا ويلك ويل
سين سؤال…
شو فايدة اضافة الاصدقاء؟
__________________
سافروا ولا ودعوني .. سيبوني وراحوا
هندسه .. صدق اللي قال .. ” ئال يا آعدين يكفيكوا شرّ الجايين ”
ياخي انته وش لك تدخل على خصوصياتي؟
انا اشجب واستنكر وادين هذا العدوان الارهابي السافر
هندسه .. انا اقولك شو صار .. انا يوم دخلت المنتدى لقيته متغير ولقيت تنبيه واحد .. دخلت لقيت ان ” كبير المستثمرين ” طلب اضافتي كصديق … طبعا انا ” اتخضيت ” وقلت المساله فيها آن واخواتها .. قبلت واستكشفت النظام اليديد وطبعا على ضفتك انته والاخ البعيد البورصه … لكن شكلك انته قبلتني وهو ما وافق يقبلني
ويمكن هذا السبب في انك ما تشوفني عنده … دا اقتراحي في الئضيه يعني 
هههههههه
توني دشيت على ملف مضارب مغامر و ما شفت البورصه موجود، مع إنه في قائمة الأصدقاء !!!
ياخي شي غريب.
ياخي أكيد واحد منهم عرض صداقته على الثاني، كيف أسمائهم مب طاgعه في ملفاتهم !!! يستهبلون علينا هاييل ؟!!
أقول،
أنا بطلع الحين و برد على كل واحد فيكم بعدين. و إن حد من هالثنينه سألكم عني، قولوله سافر.