بسم الله الرحمن الرحيم
احم، احم،
إدارة المنتدى قامت مشكوره و تفضلت على روسنا من فوق و حطت بعض المزايا الجديده في الملف الشخصي لكل عضو. << مع إنها موجوده في باقي المنتديات من زمان، بس لازم نمدح الإداره و نسوّي بوليش شويه. 
المهم،
يا جماعة الخير أنا ملاحظ حركه أرعى هاليومين.
خلق الله تدش ملفي بدون علمي، و هذا شيء لا يقبله عقل ولا منطق.كما أنه يتنافى و مبدأ الشفافيه و الإفصاح عن الأرباح اللي تم الإتفاق عليه مؤخرا. << اللي يسمع بملفك يقول ملف الجزر الثلاث.
عيل جان ريتوا إنتوا،
عدد المشاهدات في الأميات و يوم تشوف الأعضاء الزوار تلقاهم ثنينه ثلاثه !!!
ما إختلفنا، الواحد منهم عن 100، بس مب لين هالحد.
و على هذا الأساس، أخوكم قام بجوله (يعني رحله، لأن الكلمه لها معنا ثاني و هو الغاز القديم )، في ملفات الأعضاء، لقيتها نفس الشي. البورصه وحليله واصلتنه 120 زياره، و الأعضاء 2 فقط.
اللي يضحكني إن مضارب مغامر كان حاطنه في قائمة الأصدقاء، بس إسمه مب مبيّن. الحبيب سوّا “خروج” و دش عالملف و عقب عرض عليه الصداقه.
لذلك، و للقبض على هؤلاء اللصوص المتلصوصيييين، أطالب الإداره إنها ما تخلي الإتطلاع على الملفات الشخصيه إلا من الأعضاء (مثل ما كان متّبع سابقا). 
و ويلك ياللي تعادينا يا ويلك ويل.
ملاحظه،
اللي عنده كلمه في خاطره خارج النص، يحطها. و إحنا بنرد عليه.
ياااا متعني
جاسني فضووووووووول وبغيت احدر ملفك وبغيت الاذن منك
عسب ماتشك ف اخلاقي
لذا نرجو من المشرفين حذف المووضوع نهائياً مع مراعاة الدخول الجماعي للمشرفين في ملف الشخصي للعضو اللي طرح المووضوع ” حتى لما يشووف عصابة المشرفين الحمر في ملفه بيفكر 100 مرة قبل ليطرح موضوع مثيله .. “
يالله لا تنسون تشكروون كاتب هذا الرد
نمزح مافينا تشنون هجووم ساحق ع الملف الشخصي
الحين كل الأعضاء مستانسين بالنسخه الجديده ومستانسين أكثر بعدد زوارهم إلا أنت !!
…بصراحه طق فيني عرق الفضول من شفت الملفات وماخليت ملف مابصبصت عليه
فيه أشياء حلو ه بهالتغيير وفيه اشياء لا ومن ضمنها أن الأسماء تطلع بالملفات مانقدر نحوس
بالملفات براحتنا
صدق انك تتعنى و تتصرف !
وانت شلك تدخل ملفي الخاص و تشوف قائمة اصدقائي !! يا اخي انا ما اسمح لك ! هذي ممتلكات خاصه و كووول وااحد حر في ممتلكاته بأه !
اولا خلنا نكون واضحين .. انا ما عرضت الصداقه على مضارب مغامر .. هو عرض عليه الصداقه .. و انا بصراحه قبلت
بس انا عرضت عليك الصداقه .. ومادري هل قبلت ولا رفضت
عن زيارة الملف الشخصي .. في اعضاء اول ما يدخلون المنتدى يدخلون بعض ملفات الأعضاء الشخصيه ويجيكون شو كتبوا و متى دخلوا و متى ظهروا .. بعض الأخوه و الأخوات ما شاء الله مشاركاتهم و مواضيعهم تستاهل اننا نتابعها .. انا اشوف هذا الشي عادي و ما فيه اي احراج اذا كانت اسماءهم تظهر في قائمه اخر الزوار
في ناس يحسون بالفخر اذا شافوا عدد اللي يدخلون ملفهم الشخصي كبير .. او ناس معينين دخلوا ملفهم الشخصي .. طبعا هذا يعتمد على الشخص نفسه وعلى تفكيره و الناس اللي تتابعه
و طبعا بعض الشباب بيستانسون اذا شافوا اسامي بنات في قائمة اخر الزوار .. الواحد منهم بيقول اووفففف المعجبات ما يخلن حد في حاله ! وهالبنات ورايه من مكان لمكان .. شو اسوي بعمري بس هههههه
يومـ حدرت “طبعاً مآ كنت مسجلة دخـولـي“
قلت يـآآربي شي تغيير في المنتدى
تميت احركـ عيوني يمنى و يسرى و فوق و تحت شرق و غرب
و جــــــآن ألـآحظ التغيير
الـآ و هو
أسمـآء مشرفين الـأقسـآمـ في صفحة المنتدى بـ جهة اليسـآر
قلت زين والله زين ..!
و جـآن احدر ملف احد الـأعضـآء
اكتشفت التـآلي
آخر زوآر هذهِ الصفحةقلت وآآآآبووووويه
زين إني مب مسجلة دخولـي و لـآ اسمي انضمـ في قآئمة “آخر زوآر هذهِ الصفحة“
و من يومهـآ
إذآ مسجلة دخـولي مصطحيل مصطحيل مصطحيل .. احدر ملف أي عضو كـآن
اللـهـمـ “بآبآ كووكوو“
احدر و اظهر ملفه على رآحتي .. البيت بيتي
عـآد اليوم بغيت احدر ملف احد الـأعضـآء جـآن ازخ البريكـ و ارجع لـ ورى
تذكرت “آخر زوآر هدهِ الصفحة“
مسبب لنـآ احـرآج بصرآحــة ..!!!
و هيكـ لكــــــــآن
ألف مبروكـ لقد سعدتُ بـهذآ الخبر ..!
موفق بإذن الله … لكـ مني أجمل التحية