بسم الله الرحمن الرحيم
احم، احم،
إدارة المنتدى قامت مشكوره و تفضلت على روسنا من فوق و حطت بعض المزايا الجديده في الملف الشخصي لكل عضو. << مع إنها موجوده في باقي المنتديات من زمان، بس لازم نمدح الإداره و نسوّي بوليش شويه. 
المهم،
يا جماعة الخير أنا ملاحظ حركه أرعى هاليومين.
خلق الله تدش ملفي بدون علمي، و هذا شيء لا يقبله عقل ولا منطق.كما أنه يتنافى و مبدأ الشفافيه و الإفصاح عن الأرباح اللي تم الإتفاق عليه مؤخرا. << اللي يسمع بملفك يقول ملف الجزر الثلاث.
عيل جان ريتوا إنتوا،
عدد المشاهدات في الأميات و يوم تشوف الأعضاء الزوار تلقاهم ثنينه ثلاثه !!!
ما إختلفنا، الواحد منهم عن 100، بس مب لين هالحد.
و على هذا الأساس، أخوكم قام بجوله (يعني رحله، لأن الكلمه لها معنا ثاني و هو الغاز القديم )، في ملفات الأعضاء، لقيتها نفس الشي. البورصه وحليله واصلتنه 120 زياره، و الأعضاء 2 فقط.
اللي يضحكني إن مضارب مغامر كان حاطنه في قائمة الأصدقاء، بس إسمه مب مبيّن. الحبيب سوّا “خروج” و دش عالملف و عقب عرض عليه الصداقه.
لذلك، و للقبض على هؤلاء اللصوص المتلصوصيييين، أطالب الإداره إنها ما تخلي الإتطلاع على الملفات الشخصيه إلا من الأعضاء (مثل ما كان متّبع سابقا). 
و ويلك ياللي تعادينا يا ويلك ويل.
ملاحظه،
اللي عنده كلمه في خاطره خارج النص، يحطها. و إحنا بنرد عليه.
منو هاي اللي ماعندها قناعه يامتعني؟؟؟؟؟؟؟؟؟؟؟
انا نسبة القناعة عندي 99.9 % يعني نسبه مب بطاله امشيه حالها ,……..
يا قلبي يا
” εïз R ώ 3 a h εïз “
تعالي ملفي وحوصي ودوري على كيف الكيفج
بيني وبينج
ما كنت أعرف إنّه يصير أدخل ملف الشخصي للعضو حتى وأنا signed off ،، المهم ،، فكنت إذا توهقت ودخلت ملف حد ،، أحط رساله <<<< يعني أونّي داخله بسبب ههههههههههههههه 
ماعليه حبوبي
لا تنصدمين 
بخصوص البوليش، والله ياخوي مب مني.
أنا أخاف العميمي يستوي مشرف و أتوهق، فقلت أتريّق فيه قبل ما يتعشى فيني.
امممممم،
اشرايك نطرشلك كبير يزورك شويه ؟
متعني يعني ما لقيت شي تنبش فيه إلا هالخاصية ..
عندي سؤوال …>>>
كيف حالك إن شاء الله دائما بخير ؟
بقولك شي .. عدد الزيارات اللي تطريه .. يمكن أنك تزيده أنت بمجرد دخولك على ملفك الشخصي .. يعني Self service
يعني ادخل خمسين مره باليوم … تحصل العداد شغال بإزدياد
وبالتوفيق إن شاء الله
لقد سعدت بهذا الخبر
سلام يا أبضاي ….
موفق بإذن الله … لك مني أجمل تحية .
أووه تحريت عمري في قسم البيع والشراء
هههههههه
_______________________________
يالله ببدا أحدر عالحلوين خخخخخ
يالله حيهم